ଆସନ୍ତା ଫେବୃୟାରୀ ମାସ ସୁଦ୍ଧା ରାଜ୍ୟରେ ପ୍ରାୟ ୧୦ ହଜାର ପୋଲିସ କର୍ମଚାରୀ ନିଯୁକ୍ତି ହେବେ। ଏନେଇ ସୂଚନା ଦେଇଛନ୍ତି ଓଡ଼ିଶା ପୋଲିସ ମହାନିର୍ଦ୍ଦେଶକ (ଡିଜି) ବିନୟତୋଷ ମିଶ୍ର । ରାଜ୍ୟରେ ପୋଲିସ ବାହିନୀକୁ ଆହୁରି ସୁଦୃଢ଼ କରିବା ଏବଂ ଆଇନଶୃଙ୍ଖଳା ବ୍ୟବସ୍ଥାକୁ ଅଧିକ ପ୍ରଭାବଶାଳୀ କରିବା ଦିଗରେ ଏହି ନିଯୁକ୍ତି ପ୍ରକ୍ରିୟା ଗୁରୁତ୍ୱ ବହନ କରୁଛି । ଏହାସହ ସାଇବର ଅପରାଧ ନିୟନ୍ତ୍ରଣ ଉପରେ ମଧ୍ୟ ପୋଲିସ ବିଭାଗ ଗୁରୁତ୍ୱ ଦେଉଥିବା ଡିଜି ସୂଚନା ଦେଇଛନ୍ତି। ସାଇବର ଅପରାଧର ମୁକାବିଲା ପାଇଁ ରାଜ୍ୟର ପ୍ରତ୍ୟେକ ଜିଲ୍ଲାରେ ସାଇବର ଥାନା ରହିଛି ବୋଲି ସେ କହିଛନ୍ତି । ବଢ଼ୁଥିବା ଡିଜିଟାଲ ଅପରାଧକୁ ରୋକିବା, ଅଭିଯୋଗର ତ୍ୱରିତ ତଦନ୍ତ କରିବା ଏବଂ ଅପରାଧୀଙ୍କ ବିରୋଧରେ ଆଇନଗତ ପଦକ୍ଷେପ ନେବା ପାଇଁ ସାଇବର ଥାନାଗୁଡ଼ିକ କାର୍ଯ୍ୟ କରୁଛି । ପୋଲିସ ବାହିନୀରେ ନୂତନ ନିଯୁକ୍ତି ସହ ଆଇନଶୃଙ୍ଖଳା ଓ ସାଇବର ଅପରାଧ ନିୟନ୍ତ୍ରଣ ବ୍ୟବସ୍ଥା ଆହୁରି ସୁଦୃଢ଼ ହେବ ବୋଲି ଆଶା କରାଯାଉଛି । ଓଡ଼ିଶା ପୋଲିସ ମହାନିର୍ଦ୍ଦେଶକ (ଡିଜି) ବିନୟତୋଷ ମିଶ୍ର, ସମ୍ବଲପୁର ପୋଲିସ ଟ୍ରେନିଂ ସେଣ୍ଟରରେ ଆୟୋଜିତ ନବନିଯୁକ୍ତ କନଷ୍ଟେବଳମାନଙ୍କ ପାସିଂ ଆଉଟ୍ ସମାରୋହରେ ଯୋଗଦେଇ ଏହା କହିଛନ୍ତି । Post navigation ज्ञानेश कुमार के इस्तीफा न देने पर 2 अक्टूबर से CJP का शुरू होगा देशव्यापी विरोध प्रदर्शन Payment Demand Despite Ayushman Card: ଆୟୁଷ୍ମାନ କାର୍ଡ ଥାଇ ଅର୍ଥ ଦାବି, ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ ଲୋଡିଲେ ପ୍ରଦୀପ ପାଣିଗ୍ରାହୀ
