ଆମେରିକା ବିମାନ ଦୁର୍ଘଟଣାରେ ୩ ସୈନ୍ୟଙ୍କ ସମେତ ୬୭ ମୃତ

ପୁଣି ଏକ ଭୟଙ୍କର ବିମାନ ଦୁର୍ଘଟଣା । ୱାଶିଂଟନ ଡିସିର ରିଗାନ ନ୍ୟାଶନାଲ ଏୟାରପୋର୍ଟ ନିକଟରେ ମଝି ଆକାଶରେ ଏକ ଯାତ୍ରୀବାହୀ ବିମାନ ଏକ ଆମେରିକୀୟ ସାମରିକ ହେଲିକପ୍ଟର ସହିତ ଧକ୍କା ହୋଇ ପୋଟୋମାକ ନଦୀରେ ଖସି ପଡ଼ିଛି । ଫଳରେ ୬୭ ଜଣଙ୍କ ମୃତ୍ୟୁ ହୋଇଛି ।

ବିମାନରେ ପ୍ରାୟ ୬୪ ଜଣ ଥିଲେ, ଯେଉଁଥିରୁ ୪ ଜଣ କ୍ରୁ ସଦସ୍ୟ ଥିଲେ । ଏହି ଦୁର୍ଘଟଣାରେ ଯାତ୍ରୀଙ୍କ ସମେତ ୩ ସୈନ୍ୟଙ୍କ ମଧ୍ୟ ମୃତ୍ୟୁ ହୋଇଛି ।

ଏହି ଆମେରିକୀୟ ଏୟାରଲାଇନ୍ସ ବିମାନଟି କାନସାସର ୱିଚିଟାରୁ ଉଡ଼ାଣ ଭରୁଥିଲା ଏବଂ ୱାଶିଂଟନ ଡିସି ଅଭିମୁଖେ ଯାଉଥିଲା । ଧକ୍କା ପରେ ୩ ଖଣ୍ଡ ହୋଇ ନଦୀକୁ ଖସି ପଡ଼ିଥିଲା ବିମାନ ।