ସପ୍ତାହକରେ ୩୪୧୪ ଅବକାରୀ ମାମଲା, ୧୮୩୬ ଜଣ ଗିରଫ

ସପ୍ତାହବ୍ୟାପୀ ଚାଲିଥିବା ଅଭିଯାନର ସୂଚନା ଦେଇଛି ଅବକାରୀ ବିଭାଗ। ସପ୍ତାହକ ମଧ୍ୟରେ ୩୪୧୪ ଅବକାରୀ ମାମଲା ରୁଜୁ ହୋଇଥିବା ବେଳେ ୧୮୩୬ ଜଣ ଗିରଫ ହୋଇଛନ୍ତି। ୧,୭୩,୫୧୬ ଲିଟର ଚୋରା ଦେଶୀ ରନ୍ଧା ମଦ ଜବତ ହୋଇଛି। ୧୬,୧୫,୨୭୦ କେଜି ପୋଚ ଓ ୧୪୪୩ ମଦ ଭାଟି ନଷ୍ଟ କରାଯାଇଥିବା ସୂଚନା ରହିଛି। ମଦ ପରିବହନରେ ବ୍ୟବହୃତ ୧୭୯ଟି ଗାଡ଼ି ଜବତ ହେବା ସହ ୮୯ ମାଲିକ ଗିରଫ ହୋଇଛନ୍ତି। ଜବତ ଚୋରା ମଦ ଓ ଗାଡ଼ିର ଆନୁମାନିକ ମୂଲ୍ୟ ୩୦ କୋଟିରୁ ଅଧିକ ହେବ ବୋଲି ଜଣାପଡିଛି।

ରାଜ୍ୟରେ ଥମିବାର ନାଁ ଧରୁନି ଚୋରା ମଦ କାରବାର। ବାରମ୍ବାର ଚଢ଼ଉ ଓ ଧରପଗଡ଼ ପରେ ମଧ୍ୟ ମାଫିଆମାନେ ବେଧଡକ ବେଆଇନ କାରବାର ଚଲାଇଛନ୍ତି। କେତେକ ସ୍ଥାନରେ ଏହି ଚୋରା କାରବାରରେ ମାଫିଆଙ୍କ ସହ ଅବକାରୀ ବିଭାଗର ସମ୍ପୃକ୍ତି ଥିବା ମଧ୍ୟ ଅଭିଯୋଗ ହୁଏ।