ଆଜି ସଂସଦରେ ଉପସ୍ଥାପନ ହେବ ୱାକଫ୍ ସଂଶୋଧନ ବିଲ୍

ଆଜି ସଂସଦରେ ଉପସ୍ଥାପନ ହେବ ୱାକଫ୍ ସଂଶୋଧନ ବିଲ୍ ।ଲୋକସଭାରେ ୱାକଫ୍ ସଂଶୋଧନ ବିଲ୍ ଆଗତ କରିବେ ସରକାର । ସମସ୍ତ ରାଜନୈତିକ ଦଳ ସହିତ ବ୍ୟାପକ ପରାମର୍ଶ ପରେ, ଆଜି ଲୋକସଭାରେ ୱାକଫ୍‌ ସଂଶୋଧନ ବିଲ୍ ଆଗତ କରାଯିବ। ୮ ଘଣ୍ଟା ଧରି ୱାକଫ୍ ସଂଶୋଧନ ବିଲ୍ ଉପରେ ହେବ ଆଲୋଚନା । ନିଜ ସାଂସଦଙ୍କୁ ଉପସ୍ଥିତ ରହିବା ପାଇଁ ବିଜେପି ଓ କଂଗ୍ରେସର ହ୍ବିପ୍ ଜାରି ।

ଶାସକ ଏନଡିଏର ପ୍ରମୁଖ ସହଯୋଗୀ ଜେଡିୟୁ ଏବଂ ତେଲୁଗୁ ଦେଶମ ପାର୍ଟି ସମେତ ଅନ୍ୟ ଦଳଗୁଡ଼ିକ ମଧ୍ୟ ସରକାରଙ୍କ ସହିତ ଦୃଢ଼ ଭାବରେ ଛିଡ଼ା ହୋଇଛନ୍ତି ଏବଂ ବିଲ୍ ସମର୍ଥନରେ ଭୋଟ ଦେବେ। ଶାସକ ଦଳ ପାଖରେ ମଧ୍ୟ ଗୃହରେ ପର୍ଯ୍ୟାପ୍ତ ସଂଖ୍ୟା ଅଛି। ଏପରି ପରିସ୍ଥିତିରେ, ଉଭୟ ଗୃହରେ ବିଲ୍ ସହଜରେ ଗୃହୀତ ହେବ ବୋଲି ବିଶ୍ୱାସ କରାଯାଉଛି।

ସୂଚନା ଯୋଗ୍ୟ; ମଙ୍ଗଳବାର ଦିନ ଲୋକସଭା ବାଚସ୍ପତି ଓମ୍ ବିର୍ଲାଙ୍କ ଅଧ୍ୟକ୍ଷତାରେ ଗୃହର କାର୍ଯ୍ୟ ପରାମର୍ଶଦାତା କମିଟିର ବୈଠକରେ ଏହି ବିଲ୍ ଉପରେ ଆଠ ଘଣ୍ଟା ଆଲୋଚନା ପାଇଁ ସର୍ବସମ୍ମତି ପ୍ରକାଶ ପାଇଥିଲା, ଯାହାକୁ ଗୃହର ଭାବନା ଅନୁଯାୟୀ ବୃଦ୍ଧି କରାଯାଇପାରିବ।