ଭୁଶୁଡ଼ିଲା କଟକ ଶିଶୁ ଭବନର ନୂତନ ବିଲ୍ଡିଂ କାନ୍ଥ

କଟକ ଶିଶୁ ଭବନରେ ନବନିର୍ମିତ ଶିଶୁ ସ୍ୱାସ୍ଥ୍ୟସେବା କେନ୍ଦ୍ରର କୋଠାର କିଛି ଅଂଶ ଆଜି ଅପରାହ୍ନରେ ଭୁଶୁଡ଼ି ପଡ଼ିବା ପରେ ଉତ୍ତେଜନା ପ୍ରକାଶ ପାଇଛି। ଲଗାଣ ବର୍ଷା ସମୟରେ ଭୁଶୁଡ଼ି ପଡ଼ିଲା ସାଇଡ଼ କାନ୍ଥ । କିଛି ଦିନ ପୂର୍ବେ ଉଦଘାଟନ ହୋଇଥିଲା ଶିଶୁ ଭବନର ଏହି ନୂତନ ବିଲ୍ଡିଂ ।

ଏହି ଦୁର୍ଘଟଣାରୁ କିଛି ପିଲା ଏବଂ ସେମାନଙ୍କ ପରିବାର ଅଳ୍ପକେ ରକ୍ଷା ପାଇଯାଇଛନ୍ତି। କିନ୍ତୁ କାନ୍ଥ ପଡ଼ି ବିଲ୍ଡିଂ ତଳେ ଥିବା ୧୦ ଟି ଦୁଇ ଚକିଆ ଗାଡ଼ି ଭାଙ୍ଗି ଯାଇଛି ।

ସୂଚନା ଯୋଗ୍ୟ; ରାଜ୍ୟରେ ଲାଗିରହିଛି ବର୍ଷା। ଆଜି କଟକରେ ହୋଇଥିବା ଲଗାଣ ବର୍ଷା ଯୋଗୁଁ ଭୁଶୁଡ଼ି ପଡ଼ିଲା ନୂତନ ବିଲ୍ଡିଂର କାନ୍ଥ। ଏହି ସମୟରେ ବିଲ୍ଡିଂ ତଳେ ଥିବା ୧୦ ଟି ଦୁଇ ଚକିଆ ଗାଡ଼ି ଭାଙ୍ଗି ଯାଇଛି । ତେବେ କିପରି ଏବେ ତିଆରି ହୋଇଥିବା ବିଲ୍ଡିଂ ଭାଙ୍ଗିଲା ତାହାକୁ ନେଇ ଉତ୍ତେଚନା ପ୍ରକାଶ ପାଇଛି।