ସରିଲା ମହାକୁମ୍ଭ; ଅରେଲୀ ଘାଟରେ ଝାଡ଼ୁ ଧରି ସଫା କଲେ ଯୋଗୀ

ଜାନୁଆରୀ ୧୩ ତାରିଖରୁ ପ୍ରୟାଗରାଜର ପବିତ୍ର ଭୂମିରେ ଅନୁଷ୍ଠିତ ହୋଇଥିବା କୁମ୍ଭ ମେଳା ଗତକାଲି ମହାଶିବରାତ୍ରୀରେ ଶେଷ ହୋଇଛି । ମହାକୁମ୍ଭ ଶେଷ ହେବା ପରେ ଆଜି ଅରେଲୀ ଘାଟରେ ସଫେଇ କାର୍ଯ୍ୟକ୍ରମରେ ସାମିଲ ହୋଇଛନ୍ତି ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ। ନିଜ ମନ୍ତ୍ରିମଣ୍ଡଳ ସହ ଅରେଲ ଘାଟରେ ସ୍ବଚ୍ଛତା ଅଭିଯାନରେ ସାମିଲ ହୋଇ ଘାଟ ସଫା କରିବା ସହ ପାଣିରେ ପଡିଥିବା ଅଳିଆ ଏବଂ କପଡା ସବୁ ଉଠାଇଛନ୍ତି ଯୋଗୀ ।

ଏହା ସହ ମହାକୁମ୍ଭ ପରେ ନଦୀ ଏବଂ ଘାଟର ସଫେଇକୁ ଗୁରୁତ୍ବ ଦେଇଛନ୍ତି ମୁଖ୍ୟମନ୍ତ୍ରୀ ଯୋଗୀ।  ମହାକୁମ୍ଭ ସଫଳତା ପଛରେ ଯେଉଁମାନଙ୍କ ପରିଶ୍ରମ, ତ୍ୟାଗ ରହିଛି ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି।