ଭୁବନେଶ୍ଵରରେ ଭିଆଇପି/ଭିଭିଆଇପିଙ୍କ ଆଗମନ; ସନ୍ଧ୍ୟା ୫ଟାରୁ ରାସ୍ତା ଭିଡ଼ ହେବା ନେଇ ଲାଗୁ ହେଲା ଟ୍ରାଫିକ୍ କଟକଣା

ଭୁବନେଶ୍ଵରରେ ଭିଆଇପି/ଭିଭିଆଇପିଙ୍କ ଆଗମନକୁ ନେଇ ଲାଗୁ ହେଲା ଟ୍ରାଫିକ କଟକଣା । ଦେବେନ୍ଦ୍ର ପ୍ରଧାନଙ୍କ ଦ୍ୱାଦଶ ଦିନର ରୀତିନୀତିରେ ଯୋଗ ଦେବାକୁ ଆସୁଛନ୍ତି ଭିଆଇପି/ଭିଭିଆଇପି । ତେଣୁ ଆଜି ସନ୍ଧ୍ୟାଠୁ ରାଜଧାନୀ ରାଜରାସ୍ତାରେ ଭିଡ଼ ହେବାର ସମ୍ଭାବନା ରହିଛି। ଏଥିପାଇଁ କମିଶନରେଟ୍ ପୋଲିସ ଭୁବନେଶ୍ୱରବାସୀଙ୍କ ପାଇଁ ଟ୍ରାଫିକ୍ କଟକଣା ଜାରି କରିଛି। ଭିଆଇପି ଗତିବିଧି ଯୋଗୁଁ ଆଚାର୍ଯ୍ୟ ବିହାର ଛକରୁ କେଶରୀ ଟକିଜ୍ ଏବଂ ରାମ ମନ୍ଦିର ଛକରୁ ହାଉସିଂ ବୋର୍ଡ ଛକ ପର୍ଯ୍ୟନ୍ତ ସନ୍ଧ୍ୟା ୫ଟାରୁ ମଧ୍ୟରାତ୍ରି ପର୍ଯ୍ୟନ୍ତ ଟ୍ରାଫିକ୍ କଟକଣା ଜାରି କରିଛି।

ସୂଚନା ଅନୁଯାୟୀ, ଭି.ଆଇ.ପି/ଭି.ଭି.ଆଇ.ପି ଏବଂ ସୁରକ୍ଷାପ୍ରାପ୍ତ ବ୍ୟକ୍ତିବିଶେଷମାନଙ୍କ ଯାତାୟାତ ଓ ଜନସାଧାରଙ୍କ ସୁଗମନାଗମନ ନିମନ୍ତେ ଅସ୍ଥାୟୀ ଟ୍ରାଫିକ୍ ଡାଇଭର୍ସନ କରାଯାଉଛି । ଟ୍ରାଫିକ୍ ସମସ୍ୟାକୁ ଏଡ଼ାଇବା ନିମନ୍ତେ ଉପରଲିଖିତ ରାସ୍ତାରେ ନଯିବା ପାଇଁ ଏବଂ ନିଜ ଗନ୍ତବ୍ୟ ସ୍ଥଳରେ ପହଞ୍ଚିବା ପାଇଁ ଯଥାସମ୍ଭବ ଯୋଜନା କରିବା ପାଇଁ ଯାତ୍ରୀ ମାନଙ୍କୁ ଅନୁରୋଧ କରାଯାଉଛି। ଦୟାକରି ଟ୍ରାଫିକ୍ ସୂଚନା ସମ୍ପର୍କରେ ଅବଗତ ରୁହନ୍ତୁ ଏବଂ ନିରାପଦ ଓ ବାଧାମୁକ୍ତ ଯାତ୍ରା ନିମନ୍ତେ ଟ୍ରାଫିକ୍ କର୍ମଚାରୀଙ୍କୁ ସହଯୋଗ କରିବା ପାଇଁ କମିସନରେଟ୍ ପୋଲିସ, ଭୁବନେଶ୍ୱର-କଟକ ଜନସାଧାରଣଙ୍କୁ ପୋଲିସ କମିଶନର ଅନୁରୋଧ ମଧ୍ୟ କରିଛନ୍ତି।