ପୁଣି ହେବ ଛାତ୍ର ସଂସଦ ନିର୍ବାଚନ

ପୁଣି ହେବ ଆସନ୍ତା ଶିକ୍ଷା ବର୍ଷରୁ କଲେଜରେ ଛାତ୍ର ସଂସଦ ନିର୍ବାଚନ । ବିଗତ ୭ ବର୍ଷ ହେବ ବନ୍ଦ ଥିବା ରାଜ୍ୟରେ ଛାତ୍ର ସଂସଦ ନିର୍ବାଚନ ନେଇ ଆଜି ବଡ଼ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ମୋଚନ ଚରଣ ମାଝୀ । ଏବିଭିପିର ରାଷ୍ଟ୍ରସ୍ତରୀୟ କାର୍ଯ୍ୟକ୍ରମରେ ଯୋଗ ଦେଇ ମୁଖ୍ୟମନ୍ତ୍ରୀ କହିଛନ୍ତି, ଗତ ବିଜେଡ଼ି ସରକାର କଲେଜରେ ଛାତ୍ର ସଂସଦ ନିର୍ବାଚନ ବନ୍ଦ କରିଥିଲା, ହେଲେ ଏଣିକି କଲେଜରେ ଛାତ୍ର ସଂସଦ ନିର୍ବାଚନ ହେବା ସୁନିଶ୍ଚିତ । ଛାତ୍ର ଶକ୍ତିକୁ ପୂର୍ବର ସରକାର ଭୟ କରି ଏପରି କରୁଥିଲା । ହୀନ ଚକ୍ରାନ୍ତ କରି ଛାତ୍ର ନିର୍ବାଚନ ବନ୍ଦ କରିଥିଲେ। ଛାତ୍ର ନିର୍ବାଚନର ଫଳାଫଳ ପୂର୍ବ ସରକାରକୁ ଭୟଭୀତ କରିଥିଲା।

ସୂଚନାଯୋଗ୍ୟ; ୨୦୧୭ ମସିହାରେ ରାଜ୍ୟରେ ଶେଷଥର ଲାଗି ଛାତ୍ର ସଂସଦ ନିର୍ବାଚନ ହୋଇଥିଲା।