‘ସୁସ୍ଥ ନାରୀ, ସଶକ୍ତ ପରିବାର’ ଅଭିଯାନ ଅଧୀନରେ ମହିଳା ସାମ୍ବାଦିକଙ୍କ ପାଇଁ କାଲି ଆୟୋଜିତ ହେବ ସ୍ୱତନ୍ତ୍ର ସ୍ୱାସ୍ଥ୍ୟ ଶିବିର

ସୁସ୍ଥ ନାରୀ, ସଶକ୍ତ ନାରୀ ଅଭିଯାନ ଅଧୀନରେ ସ୍ଵାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଆସନ୍ତାକାଲି ଅର୍ଥାତ ୨୬ ତାରିଖ ଅପରାହ୍ନ ୩-୫ ଘଟିକା ମଧ୍ୟରେ ମହିଳା ସାମ୍ବାଦିକ ମାନଙ୍କ ନିମନ୍ତେ ବିଭାଗୀୟ କାର୍ଯ୍ୟାଳୟ ନ’ତାଲାରେ ଏକ ସ୍ୱତନ୍ତ୍ର ସ୍ୱାସ୍ଥ୍ୟ ଶିବିରର ଆୟୋଜନ କରାଯାଇଛି । “ସ୍ୱସ୍ଥ ନାରୀ, ସଶକ୍ତ ପରିବାର ଅଭିଯାନ” ୧୭ ସେପ୍ଟେମ୍ବର ୨୦୨୫ରେ ଭାରତର ମାନ୍ୟବର ପ୍ରଧାନମନ୍ତ୍ରୀଙ୍କ ଦ୍ୱାରା ଜାତୀୟ ସ୍ତରରେ ଆରମ୍ଭ କରାଯାଇଥିଲା। ଏହା ଶିବିର-ଭିତ୍ତିକ ପଦ୍ଧତି ମାଧ୍ୟମରେ ସମସ୍ତ ବୟସର ମହିଳା ଏବଂ ବାଳିକାମାନଙ୍କୁ ବ୍ୟାପକ ସ୍ୱାସ୍ଥ୍ୟ ପରୀକ୍ଷା ଏବଂ ସେବା ପ୍ରଦାନ କରିବା ଲକ୍ଷ୍ୟ ରଖିଛି, ଯାହା ଦ୍ଵାରା ଭବିଷ୍ୟତର ଏକ ସୁସ୍ଥ ପିଢ଼ି ସୁନିଶ୍ଚିତ ହେବ।

ଏଥିରେ ଯୋଗଦେବା ପାଇଁ ସମସ୍ତ ସାମ୍ବାଦିକ ମାନଙ୍କୁ ଅନୁରୋଧ କରାଯାଇଛି। ଏତଦବ୍ୟତୀତ ବିଭିନ୍ନ ଗଣମାଧ୍ୟମ ସଂସ୍ଥାରେ କାର୍ଯ୍ୟରତ ମହିଳା ଅଧିକାରୀ ଓ କର୍ମଚାରୀ ମଧ୍ୟ ଏହି ଶିବିରରେ ଯୋଗଦେଇ ନିଜର ସ୍ୱାସ୍ଥ୍ୟ ଯାଞ୍ଚ କରିପାରିବେ ।

ଉକ୍ତ ସ୍ୱାସ୍ଥ୍ୟ ଶିବିରରେ ଯୋଗ ଦେବା ପାଇଁ ସମସ୍ତ ମହିଳା ସାମ୍ବାଦିକ, ବିଭିନ୍ନ ଗଣମାଧ୍ୟମ ସଂସ୍ଥାରେ କାର୍ଯ୍ୟରତ ମହିଳା ଅଧିକାରୀ ଓ କର୍ମଚାରୀ ମାନଙ୍କୁ ଅନୁରୋଧ କରାଯାଇଛି ।

ଶିବିର ପାଇଁ ଡାକ୍ତର, ପାରାମେଡିକ୍ସ ଏବଂ ଲଜିଷ୍ଟିକ୍ସ ଇତ୍ୟାଦି କ୍ଲିନିକାଲ୍ ମାନବ ସମ୍ବଳ H&FW ବିଭାଗ ଦ୍ୱାରା ଯୋଗାଇ ଦିଆଯିବ। ତଥାପି, ଉକ୍ତ ଶିବିରରେ ଯୋଗଦେବା ପାଇଁ ମହିଳା ଗଣମାଧ୍ୟମ କର୍ମଚାରୀଙ୍କୁ ଏକତ୍ରିତ କରିବା ଏବଂ ଶିବିର ସ୍ଥାନରେ ସ୍କ୍ରିନିଂ ଏବଂ ସେବା ପାଇବା ପାଇଁ ଆବଶ୍ୟକୀୟ ସୁବିଧା I&PR ବିଭାଗର ଅଧିକାରୀମାନେ କରିବେ। ଶିବିରରେ ଯୋଜନା କରାଯାଇଥିବା ସେବାର ବିବରଣୀ ଅନୁବନ୍ଧ-୧ ରେ ସଂଲଗ୍ନ କରାଯାଇଛି।