ରାଜ୍ୟସଭା ନିର୍ବାଚନ ପାଇଁ ସଂତୃପ୍ତ ମିଶ୍ରଙ୍କ ପ୍ରାର୍ଥୀତ୍ୱକୁ ବିରୋଧ କରି ବିଜୁ ଜନତା ଦଳର ନେତା ତଥା ପୂର୍ବତନ ବିଧାୟକ ପ୍ରଭାତ ବିଶ୍ଵାଳ ଓ ସୌଭିକ ବିଶ୍ଵାଳ ନବୀନ ନିବାସରେ ହଙ୍ଗାମା କରିଛନ୍ତି । ଯାହାଙ୍କୁ ଦିଆଯାଇଛି ସେ ଦଳ ପାଇଁ କିଛି କରିନାହାଁନ୍ତି ବୋଲି ପ୍ରଭାତ ବିଶ୍ଵାଳ କହିଛନ୍ତି । ଦଳର ସମସ୍ତେ ମିଶି ଏହି ନିଷ୍ପତ୍ତି ନେଇ ନାହାଁନ୍ତି ବରଂ ଏହା ଏକପାଖିଆ ନିଷ୍ପତ୍ତି ବୋଲି କହିଛନ୍ତି ପ୍ରଭାତ । ବିଶ୍ୱାଳ ଗଣମାଧ୍ୟମ ସମ୍ମୁଖରେ ନିଜର କ୍ଷୋଭ ପ୍ରକାଶ କରି କହିଛନ୍ତି ଯେ, ୨୦୧୨ ମସିହାରୁ ମନରେ ଦୁଃଖ ଅଛି । ଦଳ ପାଇଁ ଘର, ଦ୍ୱାର, ସମ୍ପତ୍ତି ବାଡ଼ି ସବୁ ଦେଇ ଦେଇଛି । ଦଳ ପାଇଁ ମଧ୍ୟ ବହୁତ ପରିଶ୍ରମ କରିଛି । ପ୍ରଭାତ ବିଶ୍ଵାଳ କହିଛନ୍ତି ଯେ, ଚାରି ହଜାର କୋଟି ଯିଏ ନେଇଛି ସିଏ ପ୍ରାର୍ଥୀ ହୋଇଛି । କିଏ ସେହି ପାଣ୍ଠି ନେଇଛି ତାକୁ ଖୋଜନ୍ତୁ । ଦଳ ତାଙ୍କର ବହୁ କ୍ଷତି କରିଛି, କିନ୍ତୁ ସେ ଦଳର କ୍ଷତି କରି ନାହାନ୍ତି । ନିଜ ଆଦର୍ଶକୁ ସେ କେବେ ବନ୍ଧା ପକାଇ ନାହାଁନ୍ତି ବୋଲି ପ୍ରଭାତ ବିଶ୍ଵାଳ କହିଛନ୍ତି । ଭିକେ ପାଣ୍ଡିଆନ ଏବଂ ତାଙ୍କ ପତ୍ନୀ ସୁଜାତା କାର୍ତ୍ତିକେୟନ ଦଳ ପାଇଁ ବହୁତ କିଛି କରିଛନ୍ତି । ନବୀନ ବାବୁ ଏ ନେଇ ଆଲୋଚନା କରନ୍ତୁ ବୋଲି ଲିଖିତ ଆକାରରେ ଜଣାଇବି । ଯଦି ଆଲୋଚନା ନ କରିବେ ତେବେ ଦଳଠାରୁ ଦୁରେଇ ଯିବି ବୋଲି ପ୍ରଭାତ ବିଶ୍ଵାଳ କହିଛନ୍ତି । Post navigation Congress Extends Support To Dr. Datteswar Hota: ରାଜ୍ୟସଭା ପ୍ରାର୍ଥୀ ଡା. ଦତ୍ତେଶ୍ୱର ହୋତାଙ୍କୁ କଂଗ୍ରେସର ସମର୍ଥନ Jammu & Kashmir Win Ranji Trophy Title: ପ୍ରଥମ ଥର ରଣଜୀ ଟ୍ରଫି ଟାଇଟଲ ଜିତି ଇତିହାସ ରଚିଲା ଜମ୍ମୁ କାଶ୍ମୀର
