ଚଳିତ ବର୍ଷ ଗଞ୍ଜାମର ପ୍ରସିଦ୍ଧ ଦଣ୍ଡ ଯାତ୍ରା ମହୋତ୍ସବରେ ବନ୍ୟଜନ୍ତୁଙ୍କ ବ୍ୟବହାର ଉପରେ କଟକଣା ଲାଗୁ କରାଯାଇଛି । ଏ ନେଇ ବ୍ରହ୍ମପୁର ଆଞ୍ଚଳିକ ମୁଖ୍ୟ ବନ ସଂରକ୍ଷକଙ୍କ ପକ୍ଷରୁ ନେଇ ସମସ୍ତ ବନଖଣ୍ଡ ଅଧିକାରୀଙ୍କୁ ନିର୍ଦ୍ଦେଶନାମା ଜାରି ହୋଇଛି । ଦଣ୍ଡଯାତ୍ରା ବେଳେ ସାପ ବ୍ୟବହାରକାରୀଙ୍କ ଉପରେ କାର୍ଯ୍ୟାନୁଷ୍ଠାନ ପାଇଁ ଚିଠି କରାଯାଇଛି । ନିୟମ ଉଲଂଘନ କରି ସାପ ବ୍ୟବହାର କଲେ କାର୍ଯ୍ୟାନୁଷ୍ଠାନ ପାଇଁ ନିର୍ଦ୍ଦେଶ ଦିଆଯାଇଛି । ସୂଚନା ଯୋଗ୍ୟ ମାର୍ଚ୍ଚ ମାସରୁ ଓଡ଼ିଶାର ଗଞ୍ଜାମର ପ୍ରସିଦ୍ଧ ଦଣ୍ଡ ଯାତ୍ରା ମହୋତ୍ସବ ଆରମ୍ଭ ହେବାକୁ ଯାଉଛି । ଦଣ୍ଡ ଯାତ୍ରାର ପୂର୍ବ ସନ୍ଧ୍ୟାରେ ସାମାଜିକ ନାଟକ ଆୟୋଜନ ବେଳେ ବିଭିନ୍ନ କମିଟି ଅନେକ ସମୟରେ ବନ୍ୟପ୍ରାଣୀ ସୁରକ୍ଷା ଆଇନ, ପ୍ରାଣୀ ନିଷ୍ଠୁରତା ନିବାରଣ ଆଇନ ୧୯୬୦ ଏବଂ ବିଏନ୍ଏସ୍ ୨୦୨୩ ର ବ୍ୟବସ୍ଥା ଉଲ୍ଲଂଘନ କରୁଛନ୍ତି । ବନ୍ୟପ୍ରାଣୀଙ୍କୁ ରଖି ନାଟକ ଖେଳ ସମୟରେ ସେମାନଙ୍କୁ ପ୍ରଦର୍ଶନ କରୁଛନ୍ତି । ବିଶେଷକରି ସେମାନେ କାର୍ଯ୍ୟକ୍ରମରେ ସାପର ବହୁଳ ବ୍ୟବହାର ହେଉଛି । ଏହା “ଦଣ୍ଡ ଯାତ୍ରା” ନାମରେ ବନ୍ୟପ୍ରାଣୀ ସୁରକ୍ଷା ଆଇନର ଉଲ୍ଲଂଘନ କରୁଛି । ଉଲ୍ଲଂଘନକାରୀଙ୍କ ବିରୁଦ୍ଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ଦ୍ଦେଶ ଦିଆଯାଇଛି । ଏହାକୁ ବନ୍ଦ କରିବାକୁ କମିଟି ଏବଂ ଗ୍ରାମ ମଧ୍ୟରେ ସଚେତନତା କାର୍ଯ୍ୟକ୍ରମ ଆୟୋଜନ କରିବାକୁ ନିର୍ଦ୍ଦେଶ ରହିଛି । ଏହି ସମ୍ପର୍କରେ ଆୟୋଜକ ଏବଂ ବିଭିନ୍ନ ସମ୍ପର୍କିତ କମିଟିକୁ ସଚେତନତା ଜାଗ୍ରତ କରିବାକୁ ଜିଲ୍ଲାପାଳ ଏବଂ ଏସପିଙ୍କ ସହିତ ବୈଠକରେ କରିବାକୁ ପରାମର୍ଶ ଦିଆଯାଇଛି। ଏହି ପ୍ରକାରର ଅଭ୍ୟାସ ବନ୍ୟପ୍ରାଣୀ ସୁରକ୍ଷା ଆଇନ (୧୯୭୨)ର ଧାରା ୯, ୪୩, ୪୪, ୪୮, ୪୯ ଏବଂ ପ୍ରାଣୀମାନଙ୍କ ପ୍ରତି ନିଷ୍ଠୁରତା ନିବାରଣ ଆଇନ (୧୯୬୦)ର ଧାରା ୫୧, ଧାରା ୧୧ ଏବଂ ବିଏନଏସ୍ ୨୦୨୩ର ଧାରା ୩୨୫ରେ ସୁପାରିଶ କରାଯାଇଥିବା ଦଣ୍ଡର ଉଲ୍ଲଂଘନ । ଏହାକୁ ରୋକିବାକୁ ଆବଶ୍ୟକୀୟ ପଦକ୍ଷେପ ଗ୍ରହଣ କରିବାକୁ ସମସ୍ତ ବନଖଣ୍ଡ ଅଧିକାରୀଙ୍କୁ ଚିଠିରେ କୁହାଯାଇଛି । Post navigation Common Economic Zone: ପୁରୀ, ପାରାଦୀପ, ଭୁବନେଶ୍ୱର, କଟକ ହେବ କମନ ଇକୋନୋମିକ୍ ଜୋନ୍ Shri Jagannath Darshan Yojana: ନବରଙ୍ଗପୁର ଠାରେ ‘ଶ୍ରୀଜଗନ୍ନାଥ ଦର୍ଶନ’ ଯୋଜନାର ଶୁଭାରମ୍ଭ କଲେ ମୁଖ୍ୟମନ୍ତ୍ରୀ ମୋହନ ମାଝୀ
