ଅପରିବର୍ତ୍ତିତ ରହିଲା ରେପୋ ରେଟ୍

ରେପୋ ରେଟ୍ ଅପରିବର୍ତ୍ତିତ ରଖିଲା ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ।  ୫.୫ ପ୍ରତିଶତରେ ଅପରିବର୍ତ୍ତିତ ରହିଲା ରେପୋ ରେଟ୍ । ଏ ନେଇ ଘୋଷଣା କଲେ ଆର୍‌ବିଆଇ ଗଭର୍ଣ୍ଣର ସଞ୍ଜୟ ମାଲହୋତ୍ରା । ଲଗାତର ଦ୍ୱିତୀୟ ଥର ରେପୋ ରେଟ୍ ଅପରିବର୍ତ୍ତିତ । ରିଜର୍ଭ ବ୍ୟାଙ୍କ ଅପ୍‌ ଇଣ୍ଡିଆ (ଆରବିଆଇ) ଗଭର୍ଣ୍ଣର ସଞ୍ଜୟ ମାଲହୋତ୍ରାଙ୍କ ଅଧ୍ୟକ୍ଷତାରେ ମୁଦ୍ରା ନୀତି କମିଟି (ଏମପିସି)ର ତିନି ଦିନିଆ ବୈଠକ ପରେ ବୁଧବାର ଘୋଷଣା କରାଯାଇଛି ଯେ ସୁଧ ହାର (ରେପୋ ହାର) ଅପରିବର୍ତ୍ତିତ ରହିବ।

ଅଗଷ୍ଟ ପୂର୍ବରୁ, ଆରବିଆଇ ତାର ନୀତି ହାରକୁ ଅପରିବର୍ତ୍ତିତ ରଖିଥିଲା। ତଥାପି, ଅନେକ ଅର୍ଥନୀତିଜ୍ଞ ଆଶା କରିଥିଲେ ଯେ ଆରବିଆଇ ରେପୋ ହାରରେ ୦.୨୫ ପ୍ରତିଶତ ହ୍ରାସ କରି ସମସ୍ତଙ୍କୁ ଆଶ୍ଚର୍ଯ୍ୟ କରିବ। କିନ୍ତୁ ତାହା ହୋଇନଥିଲା।

ଋଣ ଏବଂ ଇଏମଆଇ ନେଉଥିବା ଲୋକଙ୍କ ପାଇଁ ବର୍ତ୍ତମାନ କୌଣସି ଆଶ୍ୱସ୍ତି ନାହିଁ। କାରଣ ସୁଧ ହାର ଅପରିବର୍ତ୍ତିତ ରହିବ। ବ୍ୟାଙ୍କଗୁଡ଼ିକର ଋଣ ଖର୍ଚ୍ଚରେ ମଧ୍ୟ କୌଣସି ପରିବର୍ତ୍ତନ ହେବ ନାହିଁ। ଏହା ନିବେଶକମାନଙ୍କୁ ସଙ୍କେତ ଦିଏ ଯେ ଆରବିଆଇ ବର୍ତ୍ତମାନ ପାଇଁ ସ୍ଥିରତା ବଜାୟ ରଖିବାକୁ ଚାହୁଁଛି ଏବଂ କୌଣସି ବଡ଼ ପରିବର୍ତ୍ତନ ପାଇଁ ମୁଡ୍ ରେ ନାହିଁ।