ଋଣ ନେଉଥିବା କିମ୍ବା ଋଣ ଉପରେ ଇଏମ୍ଆଇ ଦେଉଥିବା ଲୋକଙ୍କ ପାଇଁ ଆଶ୍ୱସ୍ତି ଖବର ଆସିଛି। ଲଗାତାର ତୃତୀୟ ଥର ପାଇଁ ରେପୋ ହାର ହ୍ରାସ କଲା ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) । ରେପୋ ରେଟ୍ ୫୦ ବେସିସ୍ ପଏଣ୍ଟ ହ୍ରାସ କରିଛି ଆରବିଆଇ। ଜୁନ୍ ୪ରେ ଆରମ୍ଭ ହୋଇଥିବା ଆରବିଆଇର ମୁଦ୍ରା କମିଟିର ଦୁଇ ଦିନିଆ ବୈଠକ ପରେ, ଗଭର୍ଣ୍ଣର ସଞ୍ଜୟ ମାଲହୋତ୍ରା ୫୦ ବେସିସ୍ ପଏଣ୍ଟ ଅର୍ଥାତ୍ ୦.୫୦ ପ୍ରତିଶତର ଏକ ବଡ଼ ହ୍ରାସ ଘୋଷଣା କରିଛନ୍ତି। ଘର ଓ କାର୍ ଲୋନ୍ ସମେତ ବିଭିନ୍ନ EMI କମିବ। ଏହା ପରେ, ବର୍ତ୍ତମାନ ରେପୋ ହାର ୫.୫ ପ୍ରତିଶତକୁ ହ୍ରାସ ପାଇଛି। କେନ୍ଦ୍ରୀୟ ବ୍ୟାଙ୍କର ଏହି ନିଷ୍ପତ୍ତି ପରେ, କାର-ଘର ସମେତ ସମସ୍ତ ପ୍ରକାରର ଋଣ ଶସ୍ତା ହୋଇଯିବ। ଆରବିଆଇ ରେପୋ ହାର ହ୍ରାସ କରିଛି ଏବଂ କହିଛି ଯେ ସେମାନଙ୍କର ପଦକ୍ଷେପ ନିବେଶକମାନଙ୍କୁ ପ୍ରଚୁର ସୁଯୋଗ ଦେବ। ବିଶ୍ୱ ଅଭିବୃଦ୍ଧିର ମନ୍ଥର ଗତି ମଧ୍ୟରେ ଭାରତୀୟ ଅର୍ଥନୀତି ମଜବୁତ ହେବ। ଘରୋଇ ଚାହିଦା ଆହୁରି ମଜବୁତ ହେବ। ସୂଚନା ଯୋଗ୍ୟ; ଗତ ଛଅ ମାସ ମଧ୍ୟରେ ଏହା ଆରବିଆଇ ଦ୍ୱାରା ରେପୋ ହାରରେ ଲଗାତାର ତୃତୀୟ ହ୍ରାସ। ପୂର୍ବରୁ ଚଳିତ ବର୍ଷ ଫେବୃଆରୀରେ ହାର ୨୫ ବେସିସ୍ ପଏଣ୍ଟ ଏବଂ ପରେ ଏପ୍ରିଲରେ ପୁଣି ୨୫ ବେସିସ୍ ପଏଣ୍ଟ ହ୍ରାସ କରାଯାଇଥିଲା। ଏହା ପରେ ରେପୋ ହାର ୬ ପ୍ରତିଶତକୁ ହ୍ରାସ ପାଇଥିଲା। Post navigation ଆଜି ବସିବ ରାଜ୍ୟ କ୍ୟାବିନେଟ୍ ବୈଠକ ଅଗଷ୍ଟ ୩ ତାରିଖରେ ନିଟ୍ ପିଜି ପରୀକ୍ଷା
