ପୁଲୱାମା ଆକ୍ରମଣ; ଆଜିର ଦିନରେ ସହିଦ ବୀର ଯବାନଙ୍କୁ ମନେପକାଉଛି ସାରା ଦେଶ

୨୦୧୯ ମସିହା ଆଜିର ଦିନ ଥିଲା ଭାରତ ପାଇଁ ଏକ କଳା ଦିନ । ପ୍ରାୟ ୬ ବର୍ଷ ତଳର ଆଜିର ଏହି ଦିନରେ ହୋଇଥିବା ଘଟଣା  ମନେ ପକାଇଲେ ମନରେ ଯେତିକି ଭୟ ଆସେ ସେତିକି ଦୁଃଖ ମଧ୍ୟ ଲାଗେ । ଆଜିର ଦିନରେ ଆତଙ୍କୀଙ୍କ ଆଇଇଡି ବିସ୍ଫୋରଣରେ ପ୍ରାଣବଳୀ ଦେଇଥିଲେ ୪୦ ବୀର ଯବାନ । ଆଜି ପୁଲଓ୍ବାମା ଆକ୍ରମଣକୁ ଠିକ୍ ୬ ବର୍ଷ ପୁରୁଛି । ସିଆରପିଏଫର ସହିଦ ବୀର ପୁତ୍ରଙ୍କୁ ଶ୍ରଦ୍ଧାଞ୍ଜଳି ଜଣାଇଛି ସାରା ଦେଶ ।

୨୦୧୯ ମସିହା ଫେବୃଆରୀ ୧୪ ତାରିଖ ଜମ୍ମୁକାଶ୍ମୀର ପୁଲୱାମାରେ ବଡ଼ ଧରଣର ଆତଙ୍କୀ ଆକ୍ରମଣ ହୋଇଥିଲା । ସିଆରପିଏଫ୍ ଯବାନମାନେ ଗାଡିରେ ପୁଲୱାମାର ଜାତୀୟ ରାଜପଥରେ ଯାଉଥିବା ସମୟରେ ସେମାନଙ୍କ ଉପରକୁ ଆକ୍ରମଣ କରିବାକୁ ଟାର୍ଗେଟ କରିଥିଲେ ଆତଙ୍କବାଦୀ । ଗୋଟିଏ ଛୋଟିଆ ଗାଡିଲେ ରଖାଯାଇଥିଲା ୩ଶହ କିଲୋର ବସ୍ପୋରକ । ଆଉ ସୁଯୋଗ ପାଇବା ମାତ୍ରେ ୩ଶହ କିଲୋର ବିସ୍ଫୋଟକ ଧରି ସିଆରପିଏଫ୍ ଗାଡିର କାରକୁ ମାଡ କରିଥିଲେ ଆତଙ୍କବାଦୀ । କିଏ କିଛି ଭାବିବା ଆଗରୁ ଘଟିଥିଲା ବସ୍ଫୋରଣ । କିଛି କ୍ଷଣ ମଧ୍ୟରେ ସାରା ଅଞ୍ଚଳରେ ହଇଚଇ ସୃଷ୍ଟି ହେବା ସହିତ ଚାରିଆଡେ ଖେଳିଗଲା କଳା ବାଦଲ । ତା ପରେ ଏହି ବିସ୍ପୋରଣରେ ପ୍ରାୟ ୪୦ ଜଣ ବୀର ଯବାନ ଶହୀଦ ହୋଇଗଲେ । ରକ୍ତରେ ଭିଜିଥିଲା ପୁଲଓ୍ବାମା ଜାତୀୟ ରାଜପଥ । ଅନେକ ଯବାନ ଆହତ ମଧ୍ୟ ହୋଇଥିଲେ ।