ସଂସଦରେ ହଙ୍ଗାମା: ଧକ୍କା ରେ ପ୍ରତାପ ଷଡ଼ଙ୍ଗୀ ଆହତ; ରାହୁଳ ଗାନ୍ଧୀଙ୍କ ଉପରେ ଆରୋପ

ଆଜି ସଂସଦରେ କାର୍ଯ୍ୟକାଳ ଆରମ୍ଭ ହେବା ପୁର୍ବରୁ ସଂସଦ ପରିସରରେ ଦେଖା ଦେଇଛି ବିଜେପି ଏବଂ ବିରୋଧୀ ଦଳ ମଧ୍ୟରେ ଠେଲା ପେଲା । ବାଲେଶ୍ୱର ସାଂସଦ ପ୍ରତାପ ଷଡ଼ଙ୍ଗୀ ସଂସଦ ସିଡ଼ିରୁ ପଡ଼ି ଆହତ ହୋଇଥିବା ସୂଚନା ମିଳିଛି । ସଂସଦରୁ ବାହାରକୁ ଆସିବା ପରେ ରାହୁଲ ଗାନ୍ଧୀଙ୍କ ଉପରେ ଆରୋପ ଲଗାଇଛନ୍ତି ପ୍ରତାପ ଷଡ଼ଙ୍ଗୀ । ସେ କହିଛନ୍ତି ରାହୁଲ ଗାନ୍ଧୀ ଠେଲି ଦେବାରୁ ମୁଁ ସିଢ଼ିରୁ ତଳେ ପଡ଼ିଗଲି । ଏହା ପରେ ତାଙ୍କ ମୁଣ୍ଡରେ ଆଘାତ ଲାଗିଥିବାରୁ ତୁରନ୍ତ ମେଡିକାଲ ସ୍ଥାନାନ୍ତର କରାଯାଇଥିବା ଜଣାପଡ଼ିଛି ।

ଅନ୍ୟପଟେ ସଂସଦରେ ଠେଲାପେଲାକୁ ନେଇ ରାହୁଲ ଗାନ୍ଧି ପ୍ରତିକ୍ରିୟା ଦେଇ କହିଛନ୍ତି ବିଜେପି ସାଂସଦମାନେ ମୋତେ ଠେଲାପେଲା କରିଥିଲେ। ସଂସଦ ଭିତରକୁ ଯିବା ବେଳେ ବିଜେପି ସାଂସଦ ରୋକିଥିଲେ । ମୋତେ ଠେଲିଦେବାକୁ ଏବଂ ଧମକ ଦେବାକୁ ଚେଷ୍ଟା କରୁଥିଲେ। ଧସ୍ତାଧସ୍ତି ସମୟରେ ଏପରି ହୋଇ ଥାଇପାରେ । ସଂସଦ ଭିତରକୁ ପ୍ରବେଶ କରିବା ଆମର ଅଧିକାର ।