OCA ସଭାପତି ପଦରୁ ବବି ଦାସଙ୍କ ଇସ୍ତଫା

ଓସିଏ ସଭାପତି ପଦରୁ ଇସ୍ତଫା ଦେଲେ ପ୍ରଣବ ପ୍ରକାଶ ଦାସ । ସେ ଇସ୍ତଫା ଦେଇଥିବା ନେଇ ଓସିଏ କାର୍ଯ୍ୟାଳୟ ସୂତ୍ରରୁ ସୂଚନା ମିଳିଛି । ବବି ଦାସ ନିଜ ବ୍ୟକ୍ତିଗତ କାରଣ ଦର୍ଶାଇ ଇସ୍ତଫା ଦେଇଛନ୍ତି ବୋଲି କହିଛନ୍ତି ଓସିଏର ସମ୍ପାଦକ ସଞ୍ଜୟ ବେହେରା । ସେ କହିଛନ୍ତି ଆଜି ପ୍ରଣବ ପ୍ରକାଶ ଦାସ ବିଧିବଦ୍ଧ ଭାବେ ଓସିଏ ସଭାପତି ପଦରୁ ଇସ୍ତଫା ଦେଇଛନ୍ତି । ବବିଙ୍କ ଇସ୍ତଫା ପରେ ଖାଲି ରହିଥିବ ପଦ ଆଗାମୀ ୪୫ ଦିନ ଭିତରେ ସଭାପତି ନିର୍ବାଚନ ହେବ ।

ସୂଚନାଯୋଗ୍ୟ ଗତ ୨୮ ଅକ୍ଟୋବର ୨୦୨୨ ମସିହା ଅକ୍ଟୋବର ମାସରେ ଓସିଏର ସଭାପତି ଦାୟିତ୍ୱ ଗ୍ରହଣ କରିଥିଲେ ପ୍ରଣବ ପ୍ରକାଶ ଦାସ । ସେ ନିର୍ଦ୍ୱନ୍ଦ୍ୱରେ ଏହି ପଦ ପାଇଁ ନିର୍ବାଚିତ ହୋଇଥିଲେ । ପୂର୍ବରୁ ଏହି ପଦରେ ସଞ୍ଜୟ ବେହେରା ରହିଥିଲେ । ଗତ ଦୁଇ ବର୍ଷ ମଧ୍ୟରେ ରଣଜୀ ଦଳର ଖରାପ ପ୍ରଦର୍ଶନ କରିଆସୁଥିଲା  । ଏହାକୁ ନେଇ ଓସିଏ ସଭାପତି ଦାୟିତ୍ୱରେ ଥାଇ ମଧ୍ୟ କୌଣସି ଉତ୍ତର ରଖି ପାରିନଥିଲେ ବବି ଦାସ । ଗତ ଜୁଲାଇ ମାସରେ ଏହାକୁ ନେଇ ତାଙ୍କ ଇସ୍ତଫା ଦାବି ମଧ୍ୟ ଉଠିଥିଲା ବେଳେ ଆଜି ସେ ଇସ୍ତଫା ଦେଇଛନ୍ତି ।