ରାଜ୍ୟ ସରକାରକୁ ଜଙ୍କ୍ ଫୁଡ୍ ଓ ତେଲ ଚିନ୍ତା । ଏ ନେଇ ଜିଲ୍ଲାପାଳମାନଙ୍କୁ ଚିଠି କଲା ମହିଳା ଓ ଶିଶୁ ବିକାଶ ବିଭାଗ । ତେଲ ବୋର୍ଡ ଲଗାଇବେ ସରକାର। କେଉଁ ଖାଦ୍ୟରେ କେତେ ତେଲ ଅଛି। ତାକୁ ଖାଇଲେ କଣ ହେବ । ସେନେଇ ତେଲ ବୋର୍ଡ ଜରିଆରେ ସଚେତନ କରାଯିବ । ତେଣୁ ସବୁ ଅଙ୍ଗନବାଡି ସେଣ୍ଟର ଓ ଶିଶୁ ଯତ୍ନ କେନ୍ଦ୍ରରେ ଲାଗିବ ତେଲ ବୋର୍ଡ । କେଉଁ ଖାଦ୍ୟରେ କେତେ ତେଲ ଅଛି ଦର୍ଶାଇବାକୁ କଡ଼ା ନିର୍ଦ୍ଦେଶ । ଉଭୟ ଓଡ଼ିଆ ଏବଂ ଇଂରାଜୀରେ ବୋର୍ଡ ଲଗାଇବା ପାଇଁ ନିର୍ଦ୍ଦେଶ। ଛଣା ଖାଦ୍ୟରେ କେତେ ତେଲ ବ୍ୟବହାର ହୋଇଛି ଦର୍ଶାଇବା ଜରୁରୀ। ସୂଚନା ଯୋଗ୍ୟ; ଉତ୍ତମ ସ୍ୱାସ୍ଥ୍ୟ ଏବଂ ସ୍ୱାସ୍ଥ୍ୟକର ଖାଦ୍ୟ ଅଭ୍ୟାସ ଗୁରୁତ୍ୱ ଦେଇଛି ମହିଳା ଓ ଶିଶୁ ବିକାଶ ବିଭାଗ । ଆମେ ଦୈନନ୍ଦିନ ଜୀବନରେ ଖାଉଥିବା ତେଲ ଜାତୀୟ ଖାଦ୍ୟ ଯଥା ବରା, ପକୁଡ଼ି, ସିଙ୍ଗଡ଼ା ଆଦିରେ କେତେ ଚର୍ବି ଏବଂ ତେଲ ଅଛି ସେ ସମ୍ବନ୍ଧରେ ସମସ୍ତେ ଅବଗତ ହେବେ । ଏଥିପାଇଁ ସାର୍ବଜନୀନରେ ସ୍ଥାନରେ ବୋର୍ଡରେ ତେଲ ସମ୍ପର୍କରେ ଉଲ୍ଲେଖ କରିବାକୁ ବିଭାଗ ସମସ୍ତ ଜିଲ୍ଲାପାଳମାନଙ୍କୁ ଚିଠି ଲେଖିଛି । ମହିଳା ଓ ଶିଶୁ ବିକାଶ ବିଭାଗ ଛୋଟ ପିଲା, କିଶୋରୀ, ଯତ୍ନ ନେଉଥିବା ବ୍ୟକ୍ତି ଏବଂ ଗୋଷ୍ଠୀର ସ୍ଵାସ୍ଥ୍ୟ ସୁସ୍ୱାଦୁ ଖାଦ୍ୟ ଅଭାସକୁ ପ୍ରୋତ୍ସାହିତ କରିବା ଉପରେ ଗୁରୁତ୍ୱ ଦେଇଛି । ବିଭିନ୍ନ ସାର୍ବଜନୀନ ମଞ୍ଚରେ ତେଲ ବୋର୍ଡ ପ୍ରଦର୍ଶନ କରିବାକୁ ବିଭାଗ ନିଷ୍ପତ୍ତି ନେଇଛି । ଏହି ବୋର୍ଡଗୁଡ଼ିକ ଅଙ୍ଗନବାଡ଼ି କେନ୍ଦ୍ର, ସିସିଆଇ, ୱାନ୍ ଷ୍ଟପ୍ ସେଣ୍ଟର, ଶକ୍ତି ସଦନ ଏବଂ ସଖୀ ନିବାସ ଏବଂ ଅନ୍ୟାନ୍ୟ ଆବାସିକ ପ୍ରତିଷ୍ଠାନରେ ତେଲର ସମ୍ବନ୍ଧରେ ଉଲ୍ଲେଖ କରିବାକୁ ନିର୍ଦ୍ଦେଶ ଦେଇଛି । ଖାଦ୍ୟରେ ରହିଥିବା ଚର୍ବି ଏବଂ ତେଲ ସମ୍ବନ୍ଧରେ ପ୍ରାଞ୍ଜଳଭାବରେ ଉଲ୍ଲେଖ କରାଯିବ । ଯାହା ଦ୍ଵାରା ମେଦ ବହୁଳତା ଏବଂ ସଂକ୍ରାମକ ରୋଗ ବୃଦ୍ଧି ବିରୁଦ୍ଧରେ ମୁକାବିଲା କରାଯାଇ ପାରିବ । Post navigation Distribution Of Houses: ରାଜ୍ୟରେ କେହି ରହିବେ ନାହିଁ ଭୂମିହୀନ; ତୁରନ୍ତ ଘର ବଣ୍ଟନ ପାଇଁ ନିର୍ଦ୍ଦେଶ
