ଚାଷୀଙ୍କୁ ମିଳିବ କ୍ଷତିପୂରଣ; ଆଉ ୧୫ ଦିନ ମଣ୍ଡି ଖୋଲିବାକୁ ନିର୍ଦ୍ଦେଶ

ଅଦିନିଆ ବର୍ଷାରେ ଫସଲ କ୍ଷତିଗ୍ରସ୍ତ ଚାଷୀଙ୍କୁ ମିଳିବ କ୍ଷତିପୂରଣ । ଚାଷୀଙ୍କୁ କ୍ଷତିପୂରଣ ଦେବେ ରାଜ୍ୟ ସରକାର । ଏ ନେଇ ଆଜି ସୂଚନା ଦେଇଛନ୍ତି ଯୋଗାଣ ମନ୍ତ୍ରୀ କୃଷ୍ଣ ଚନ୍ଦ୍ର ପାତ୍ର । ସେ କହିଛନ୍ତି ଟୋକନ ଅବଧି ୧୫ ଦିନ ବୃଦ୍ଧି ପାଇଁ ଜଲ୍ଲାପାଳଙ୍କୁ କ୍ଷମତା ଦିଆଯାଇଛି । ଏବେ ଫେବୃଆରୀ ୨୮ ନୁହେଁ ବରଂ ଆଉ ୧୫ ଦିନ ଖୋଲା ରହିବ ମଣ୍ଡି। ଅର୍ଥାତ ମାର୍ଚ୍ଚ ୧୫ ତାରିଖ ଯାଏ ମଣ୍ଡି ଖୋଲିବାକୁ ନିର୍ଦ୍ଦେଶ ଦେଇଛନ୍ତି ରାଜ୍ୟ ସରକାର।

ମନ୍ତ୍ରୀ କହିଛନ୍ତି, କ୍ଷତିପୂରଣ ବାବଦକୁ ନେଇ ଚାଷୀ ମାନେ ବିବ୍ରତ ନହେବାକୁ ମନ୍ତ୍ରୀ ଅପିଲ କରିଛନ୍ତି। କ୍ଷୟକ୍ଷତିର ଆକଳନ କରି କ୍ଷତିପୂରଣ ଦିଆଯିବ । ମାର୍ଚ୍ଚ ଯାଏଁ ଧାନମଣ୍ଡି ଖୋଲାଥିବାରୁ ବ୍ୟସ୍ତ ହେବାର କୌଣସି କାରଣ ନାହିଁ । ମନ୍ତ୍ରୀ ଆସୁ ମଧ୍ୟ କହିଛନ୍ତି ରାଜ୍ୟରେ ଅନେକ ନକଲି ଚାଷୀ ଅଛନ୍ତି। ପ୍ରକୃତ ଚାଷୀଙ୍କ ବାବଦରେ ଜାଣିବା ପାଇଁ ଆଉ ଥରେ ଚାଷୀ ପଞ୍ଜିକରଣ କରାଯାଉଛି। ରାସନ କାର୍ଡ ଭଳି ଚାଷୀ ତାଲିକାରେ ଅନେକ ଅଣ ଚାଷୀ ଥିବାରୁ ଆଉ ଥରେ ତାଲିକା ପ୍ରସ୍ତୁତ କରାଯାଉଛି।