Common Area Registration: ୨୦ ହଜାର ଦେଲେ ଏରିଆ ରେଜିଷ୍ଟ୍ରେସନ୍

ସହଜ ହେଲା ଆପାର୍ଟମେଣ୍ଟ କମନ ଏରିଆ ପଞ୍ଜୀକରଣ। ରିଅଲ ଇଷ୍ଟେଟ୍ ପ୍ରକଳ୍ପର ସଂପୂର୍ଣ୍ଣ କମନ ଏରିଆ ଏଣିକି ୨୦ ହଜାର ଟଙ୍କାରେ ପଞ୍ଜୀକରଣ କରାଯିବ । ଏ ନେଇ ଆଜି ସୂଚନା ଦେଇଛନ୍ତି ଗୃହ ନିର୍ମାଣ ଓ ନଗର ଉନ୍ନୟନ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର ।

ମନ୍ତ୍ରୀ କହିଛନ୍ତି, ପୂର୍ବରୁ ଜମି କିଣାବିକାରେ ଲୋକମାନେ ବହୁତ ଅସୁବିଧାର ସମ୍ମୁଖୀନ ହେଉଥିଲେ । ୨୦୨୩ ମସିହାରୁ ଓଡ଼ିଶା ଆପାର୍ଟମେଣ୍ଟ ମାଲିକାନା ସ୍ବତ୍ବ ଆଇନ ଆସିବା ସତ୍ତ୍ବେ କମନ ଏରିଆ ପଞ୍ଜୀକରଣକୁ ନେଇ ଦ୍ୱନ୍ଦ୍ୱ ଉପୁଜିଥିଲା । ଫଳରେ ଆପାର୍ଟମେଣ୍ଟ ପଞ୍ଜିକରଣରେ ଏହା ବାଧକ ସୃଷ୍ଟି ହୋଇଥିଲା । ସେଥିପାଇଁ ସରଳୀକରଣର ଆବଶ୍ୟକତା ଥିଲା । ବହୁତ ବିଚାର ବିମର୍ଶ କରି ତର୍ଜମା କରି କିଣାବିକାରେ ସରଳୀକରଣ କରିଛନ୍ତି । ଆପାର୍ଟମେଣ୍ଟ କମନ୍ ଏରିଆ ମାତ୍ର ୨୦ ହଜାର ଟଙ୍କାରେ ପଞ୍ଜିକରଣ କରାଯିବ ।

ରାଜ୍ୟର ରାଜସ୍ୱ ଏବଂ ବିପର୍ଯ୍ୟୟ ପରିଚାଳନା ବିଭାଗର ବିଜ୍ଞପ୍ତି ଅନୁଯାୟୀ, ରେରା ଏବଂ ଓଡ଼ିଶା ଆପାର୍ଟମେଣ୍ଟ ମାଲିକାନା ଆଇନର ମାନଦଣ୍ଡ ଅନୁଯାୟୀ ଗଠିତ ଆଲୋଟି ସଂଘ ସପକ୍ଷରେ ସାଧାରଣ ଅଞ୍ଚଳ ଏବଂ ସୁବିଧା ହସ୍ତାନ୍ତର ସହିତ ପ୍ରମୋଟରଙ୍କ ଦ୍ୱାରା ସମ୍ପାଦିତ ପରିବହନ ଡିଡ୍ ର ପଞ୍ଜିକରଣ ପାଇଁ ଶୁଳ୍କ ଏକ ପ୍ରକଳ୍ପ ପାଇଁ ୨୦ ହଜାର ଟଙ୍କା ସ୍ଥିର କରାଯାଇଛି।

ପଞ୍ଜୀକରଣ ଆଇନ, ୧୯୦୮ର ଧାରା ୭୮ ଅନୁଯାୟୀ ଫି ସାରଣୀରେ ଆବଶ୍ୟକ ସଂଶୋଧନ ମାଧ୍ୟମରେ ଫି ସ୍ଥିର କରାଯାଇଛି। ଏକ ରିଅଲ୍ ଇଷ୍ଟେଟ୍ ପ୍ରକଳ୍ପର ସାଧାରଣ କ୍ଷେତ୍ର ସ୍ଥାନାନ୍ତର ପାଇଁ ଡେଭଲପର୍ ସବ-ରେଜିଷ୍ଟ୍ରାରଙ୍କ ନିକଟରେ ଫି ଜମା କରିବେ, ବିଭାଗର ସୂତ୍ର ଅନୁଯାୟୀ।