ବାଲେଶ୍ୱର ଜିଲ୍ଲା ଖଇରା ରାଣୀତାଲ ରାସ୍ତା ନିର୍ମାଣକୁ ନେଇ ପୂର୍ତ୍ତ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନଙ୍କୁ ବିଜେପି ବିଧାୟକ ପଦ୍ମଲୋଚନ ପଣ୍ଡା ହସି ହସି କଟାକ୍ଷ କରିଛନ୍ତି । ଆଜି ବିଧାନସଭାରେ ଶୀତ ଅଧିବେଶନର ତୃତୀୟ ଦିବସରେ ପୂର୍ତ୍ତ ମନ୍ତ୍ରୀଙ୍କୁ ପଦ୍ମଲୋଚନ ପଣ୍ଡା କଟାକ୍ଷ କରି କହିଛନ୍ତି ଯେ, ୫୦ ଥର ମନ୍ତ୍ରୀଙ୍କୁ ଭେଟିଥିଲେ ବି କାମ ହେଉନି କି ରାସ୍ତାର ଖାଲଖମା ବି ମରାମତି ହେଉନି ବୋଲି ପଦ୍ମଲୋଚନ ପଣ୍ଡା କହିଛନ୍ତି । ଦାୟିତ୍ଵରେ ଥିବା ଅଧିକାରୀଙ୍କ ମଧ୍ୟ ଦେଖା ନାହିଁ ବୋଲି ସେ କହିଛନ୍ତି । ତେଣୁ ଏ ଦିଗରେ ତୁରନ୍ତ ପଦକ୍ଷେପ ନେବାକୁ ସେ ପୂର୍ତ୍ତ ମନ୍ତ୍ରୀ ପୃଥ୍ୱୀରାଜଙ୍କୁ ଅନୁରୋଧ କରିଛନ୍ତି । ବିଧାୟକଙ୍କ ପ୍ରଶ୍ନର ଉତ୍ତର ରଖି ପୂର୍ତ୍ତ ମନ୍ତ୍ରୀ କହିଛନ୍ତି ଯେ, ଗୃହ ବାହାରେ ବିଧାୟକ ଏ ବିଷୟରେ ୨୫ ଥର ଜଣାଇଛନ୍ତି । ଖଇରା ରାଣୀତାଲ ରାସ୍ତା ନିର୍ମାଣ କାମର ଟେଣ୍ଡର ସରିଛି, ମରାମତି କାର୍ଯ୍ୟ ତୁରନ୍ତ ହେବ ବୋଲି ମନ୍ତ୍ରୀ କହିଛନ୍ତି । Post navigation Odisha Assembly: ରାଜ୍ୟରେ ଆଜି ବି ୨,୯୭୫ ଶିଶୁ ନିଖୋଜ ଅଛନ୍ତି: ପ୍ରଭାତୀ ପରିଡ଼ା
