ଦେଶରେ ଆଜିଠୁ ନୂଆ ଜିଏସ୍ଟି ସଂସ୍କାର ଆରମ୍ଭ । ନବରାତ୍ରିର ପ୍ରଥମ ଦିନରେ ପ୍ରଧାନମନ୍ତ୍ରୀ ମୋଦିଙ୍କ ଭେଟି । ସୋମବାରଠାରୁ ୨୯୫ଟି ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ଶସ୍ତା ହୋଇଛି। ଏଣିକି କେବଳ ୫ ପ୍ରତିଶତ ଓ ୧୮ ପ୍ରତିଶତ ଟିକସ ବ୍ୟବସ୍ଥା । ୧୨ ପ୍ରତିଶତ ଓ ୨୮ ପ୍ରତିଶତ ଜିଏସ୍ଟି ସ୍ଲାବ୍ ସଂପୂର୍ଣ୍ଣ ଉଚ୍ଛେଦ ।ଅଧିକାଂଶ ସାମଗ୍ରୀ ଶସ୍ତା, ୩୩ ଜୀବନ ରକ୍ଷାକାରୀ ଔଷଧରେ ଶୂନ ଟିକସ । ଏହି ସାମଗ୍ରୀଗୁଡ଼ିକ ମଧ୍ୟରେ ଖାଦ୍ୟ ସାମଗ୍ରୀ ଏବଂ ଉଠିବା ଠାରୁ ଶୋଇବା ପର୍ଯ୍ୟନ୍ତ ଆବଶ୍ୟକ ବିଭିନ୍ନ ସାମଗ୍ରୀ ସାମିଲ ରହିଛି। ମଧ୍ୟବିତ୍ତ ଶ୍ରେଣୀର ଆକାଂକ୍ଷା ଯେପରିକି ଟିଭି, ଏସି, ଦୁଇ ଚକିଆ ଯାନ, କାର, ଉଚ୍ଚମାନର ପୋଷାକ, ଜୋତା ଏବଂ ଔଷଧ ପୂର୍ବ ଅପେକ୍ଷା ଶସ୍ତା ମୂଲ୍ୟରେ ଉପଲବ୍ଧ ହେବ। କୃଷକ ଏବଂ ବ୍ୟବସାୟ ମଧ୍ୟ ଏହି ଜିଏସ୍ଟି ପରିବର୍ତ୍ତନରୁ ଲାଭବାନ ହେବେ। ସାର ଏବଂ କୃଷି ଉପକରଣ ଉପରେ ଜିଏସଟି ହ୍ରାସ ଚାଷୀଙ୍କ ପାଇଁ କୃଷି ଖର୍ଚ୍ଚ ଏବଂ କ୍ଷୁଦ୍ର ଉଦ୍ୟୋଗୀମାନଙ୍କ ପାଇଁ ଉତ୍ପାଦନ ଖର୍ଚ୍ଚ ହ୍ରାସ କରିବ। ଜିଏସ୍ଟିରେ ଏହି ହ୍ରାସ ନବରାତ୍ରିରୁ ଡିସେମ୍ବର ପର୍ଯ୍ୟନ୍ତ ସମସ୍ତ ପ୍ରକାରର ସାମଗ୍ରୀର ବିକ୍ରୟକୁ ୨୦ ପ୍ରତିଶତ ପର୍ଯ୍ୟନ୍ତ ବୃଦ୍ଧି କରିବ ବୋଲି ଆଶା କରାଯାଉଛି, ଯାହା ଖୁଚୁରା ବ୍ୟବସାୟୀଙ୍କୁ ଲାଭ ଦେବ। Post navigation ପ୍ରଦୀପ ଜେନା ଭୁବନେଶ୍ୱର କ୍ଲବ ସଭାପତି ନିର୍ବାଚିତ ଗ୍ରାହାମ ଷ୍ଟେନ୍ସ ହତ୍ୟା ମାମଲା: ଦାରା ସିଂହଙ୍କୁ ଜେଲରୁ ମୁକ୍ତ କରିବା ନିଷ୍ପତ୍ତିକୁ ପୁଣି ସ୍ଥଗିତ ରଖିଲା ଓଡ଼ିଶା
