କୀଟ୍ ଛାତ୍ରଙ୍କ ମୃତ୍ୟୁ ମାମଲା: କିଟ୍ ବିରୋଧରେ ଅଭିଯୋଗ ଆଣିଲେ ମୃତ ଛାତ୍ରଙ୍କ ବାପା

କୀଟ୍ ଛାତ୍ରଙ୍କ ମୃତ୍ୟୁ ମାମଲାରେ କିଟ୍ ବିରୋଧରେ ସଙ୍ଗୀନ ଅଭିଯୋଗ ଆଣିଲେ ମୃତ ଛାତ୍ରଙ୍କ ବାପା । କିଟକୁ ଏହି ଘଟଣା ପାଇଁ ଦାୟୀ କରି ସେ କହିଛନ୍ତି କିଟ୍‌ କର୍ତ୍ତୃପକ୍ଷଙ୍କ ଅବହେଳାରୁ ପୁଅର ମୃତ୍ୟୁ ହୋଇଛି । ଏ ସବୁ ପାଇଁ କର୍ତ୍ତୃପକ୍ଷଙ୍କ ସହ ମ୍ୟାନେଜମେଣ୍ଟ ଦାୟୀ । ପିଲାକୁ ତାଙ୍କ ଦାୟିତ୍ବରେ ଛଡ଼ା ଯାଇଥିଲା, ଅବହେଳାରୁ ମୃତ୍ୟୁ ହୋଇଛି।

ସେ ଆଉ ମଧ୍ୟ କହିଛନ୍ତି ମୋ ପୁଅ ଆତ୍ମହତ୍ୟା କରିନି । ଏହା କୌଣସି ଅଘଟଣ ଘଟିଛି । ହଷ୍ଟେଲ ୱାଡେନଙ୍କ କଥା ଓ ଘଟଣାବଳୀ ମଧ୍ୟରେ ତାଳମେଳ ରହୁନି । ଏଭଳି ଅବହେଳା କଲେ ପଶ୍ଚିମବଙ୍ଗରୁ ଆଉ କେହି କିଟ୍ ଆସିବେ ନାହିଁ । ଏହି ଘଟଣାର ପୁଙ୍ଖାନୁପୁଙ୍ଖ ତଦନ୍ତ ସହ ସତ୍ୟାସତ୍ୟ ବାହାର କରାଯାଉ ।

ସୂଚନା ଯୋଗ୍ୟ; ମଞ୍ଚେଶ୍ୱର ଥାନା ଅଞ୍ଚଳରେ ଏକ ନିର୍ମାଣଧୀନ କୋଠା ତଳୁ କିଟ୍‌‌ ବିଶ୍ୱବିଦ୍ୟାଳୟ ଛାତ୍ରଙ୍କ ସନ୍ଦେହଜନକ ଅବସ୍ଥାରେ ମୃତଦେହ ଉଦ୍ଧାର କରାଯାଇଥିଲା । କିଟ୍‌‌ ବିଶ୍ୱବିଦ୍ୟାଳୟର ହଷ୍ଟେଲ୍‌‌ରେ ରହି ଅର୍ଣ୍ଣବ ପାଠ ପଢୁଥିଲେ। ହଷ୍ଟେଲରୁ କେମିତି ଆସିଲେ ମଞ୍ଚେଶ୍ୱର ଏବଂ ନିର୍ମାଣଧିନ କୋଠାକୁ କାହିଁକି ଯାଇଥିଲେ, ତାହାର କାରଣ ଜଣାପଡ଼ିନାହିଁ।