ଓଡ଼ିଶାରେ କଂଗ୍ରେସ ହିଁ କଂଗ୍ରେସକୁ ହରାଉଛି: ଖଡ୍‌ଗେ

ଗୋଷ୍ଠୀ କନ୍ଦଳ ଯୋଗୁଁ ଖପ୍ପା ହାଇକମାଣ୍ଡ । ପିଏସି ବୈଠକରେ ଏକାଠି ରହିବା ଉପରେ ଗୁରୁତ୍ୱ ଦେଲେ କଂଗ୍ରେସ ଶୀର୍ଷ ନେତୃତ୍ୱ ଖଡ଼ଗେ ଏବଂ ରାହୁଲ ଗାନ୍ଧୀ । ବୈଠକରେ ଖଡ଼ଗେ କହିଛନ୍ତି ଓଡ଼ିଶାରେ କଂଗ୍ରେସ ହିଁ କଂଗ୍ରେସକୁ ହରାଉଥିବା ଦିଲ୍ଲୀରେ ଶୁଣୁଛୁ  । ତେଣୁ ଏକାଠି ହେବାକୁ ପଡିବ । ଯେଉଁ ପର୍ଯ୍ୟନ୍ତ ନେତା ମାନେ ଏକାଠି ହେବେନି ଦଳ ରି-ଭାଇବ କରିପାରିବନି ।

ସେହିପରି ରାହୁଲ ଗାନ୍ଧୀ କହିଛନ୍ତି ସମସ୍ତଙ୍କ ମତ ଯାହା ଥାଉ ସମସ୍ତେ ମିଶିକି କାମ କର । ଏହାସହ ଉପକୂଳ ଓଡ଼ିଶାରେ ଫୋକସ୍ କରିବାକୁ ଦେଲେ ପରାମର୍ଶ ରାହୁଲ । ସମସ୍ତେ ଏକାଠି ହେଲେ ଦଳ ସୁଦୃଢ ହେବ ବୋଲି ମତ ରଖିଛନ୍ତି ।

ଏହା ସହ ରାହୁଲ ଗାନ୍ଧୀ କହିଛନ୍ତି, ଏକଜୁଟ ରୁହ, ତୃଣମୂଳ ସ୍ତରରୁ ସଂଗଠନକୁ ମଜବୁତ କର । ଜାତି ଜନଗଣନା, ପଛୁଆବର୍ଗଙ୍କୁ ସଂରକ୍ଷଣ, ଦଳିତଙ୍କ ସୁରକ୍ଷାକୁ ପ୍ରସଙ୍ଗ କରି ଆନ୍ଦୋଳନ କରି ଲୋକଙ୍କ ପାଖକୁ ଯିବାକୁ ବରିଷ୍ଠ ନେତାଙ୍କୁ ପରମର୍ଶ ଦେଇଛନ୍ତି ରାହୁଲ ଗାନ୍ଧୀ ।