ମହାରାଷ୍ଟ୍ରର ପୂର୍ବତନ ଗୃହମନ୍ତ୍ରୀ ତଥା ବରିଷ୍ଠ ଏନସିପି ନେତା ଅନିଲ ଦେଶମୁଖ ଙ୍କୁ ଆକ୍ରମଣ

ମହାରାଷ୍ଟ୍ରର ପୂର୍ବତନ ଗୃହମନ୍ତ୍ରୀ ତଥା ବରିଷ୍ଠ ଏନସିପି ନେତା ଅନିଲ ଦେଶମୁଖ ସୋମବାର ଦିନ ନାଗପୁର ଜିଲ୍ଲାର କାଟୋଲ-ଜାଲାଲଖେଡ଼ା ରାସ୍ତାରେ ଅଜ୍ଞାତ ବ୍ଯକ୍ତିମାନେ ତାଙ୍କ କାର ଉପରେ ପଥର ମାଡ଼ କରିବା ପରେ ଆହତ ହୋଇଥିଲେ।

ଏକ ପଥର କାରର ଝରକା ଭାଙ୍ଗି ଦେଶମୁଖଙ୍କ ମୁଣ୍ଡରେ ଆଘାତ କରିଥିଲା ଏବଂ ତାଙ୍କ ମୁଣ୍ଡ କୁ ଗଭୀର ଆହତ କରିଥିଲା। ଘଟଣାସ୍ଥଳରୁ ମିଳିଥିବା ଦୃଶ୍ଯରେ ତାଙ୍କୁ ରକ୍ତସ୍ରାବ ହେଉଥିବା ଦେଖାଯାଇଛି, ଏବଂ ଗାଡି ଭିତରେ କାଚ ଖଣ୍ଡ ବିଖଣ୍ଡିତ ହୋଇ ପଡ଼ିଛି।ଦେଶମୁଖ ନାରଖେଡରେ ଏକ ଜନସଭାରୁ ଫେରୁଥିବା ବେଳେ ଏହି ଆକ୍ରମଣ ଘଟିଥିଲା, ଯେଉଁଠାରେ ସେ ମହାରାଷ୍ଟ୍ର ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଥିବା ମହା ବିକାଶ ଆଘାଡି (ଏମଭିଏ) ପ୍ରାର୍ଥୀ ତାଙ୍କ ପୁଅ ସଲିଲ ଦେଶମୁଖଙ୍କ ପାଇଁ ପ୍ରଚାର କରୁଥିଲେ।

ଦେଶମୁଖଙ୍କୁ ତୁରନ୍ତ କାଟୋଲର ଏକ ଡାକ୍ତରଖାନାକୁ ଚିକିତ୍ସା ପାଇଁ ନିଆଯାଇଥିଲା। ଆକ୍ରମଣ ପଛର ଉଦ୍ଦେଶ୍ଯ ଏବଂ ଆକ୍ରମଣକାରୀଙ୍କ ପରିଚୟ ଅଜ୍ଞାତ ରହିଛି।