ପୂଜାପଣ୍ଡା ଓ ବଡୁ ନିଯୋଗ ବିବାଦ; ପ୍ରଭୁ ଲିଙ୍ଗରାଜଙ୍କ ନୀତିକାନ୍ତି ବନ୍ଦ

ପୂଜାପଣ୍ଡା ଓ ବଡୁ ନିଯୋଗ ବିବାଦ ଯୋଗୁଁ ବନ୍ଦ ରହିଛି ବାବା ଲିଙ୍ଗରାଜଙ୍କ ନୀତିକାନ୍ତି। କାଲି ପଇତା ଲାଗି ନୀତି ବନ୍ଦ ପରଠୁ ସବୁ ନୀତିକାନ୍ତି ବନ୍ଦ ରହିଛି। କାଲି ସନ୍ଧ୍ୟା ପରଠୁ ନୀତିକାନ୍ତି ହୋଇନି, ସାଧାରଣ ଦର୍ଶନ ଚାଲିଛି । ନୀତିକାନ୍ତି ବନ୍ଦ ଥିବାରୁ ପ୍ରଭୁ ଲିଙ୍ଗରାଜ କାଲିଠୁ ଉପାସରେ ଅଛନ୍ତି।

ଏ ନେଇ ପ୍ରତିକ୍ରିୟା ରଖିଛନ୍ତି ବାବା ଲିଙ୍ଗରାଜଙ୍କ ସେବାୟତ। ସେ କହିଛନ୍ତି, କାଲି ରାତିରୁ ଏ ପର୍ଯ୍ୟନ୍ତ ଲିଙ୍ଗରାଜଙ୍କ ନୀତି ବନ୍ଦ ରହିଛି। ଠାକୁରଙ୍କ ନୀତିରେ ଚରମ ଅବହେଳା। କାହାର ନିଦ ଭାଙ୍ଗୁନି, କମିଶନର ଏପର୍ଯ୍ୟନ୍ତ ମନ୍ଦିରକୁ ଆସୁନାହାନ୍ତି। କାଲି ରାତି ୧୨ଟା ଯାଏଁ ମନ୍ଦିର ଦ୍ୱାର ଖୋଲା ରହିଲା। ଏଠି ଗୋଟେ ପ୍ରହସନ ଚାଲିଛି ବୋଲି କହିଛନ୍ତି।