ଦେଶରେ ଇଣ୍ଡିଗୋ ବିମାନ ଚଳାଚଳରେ ଦେଖା ଦେଇଥିବା ସଙ୍କଟକୁ ନେଇ ସୁଗମ ଯାତ୍ରା ସୁନିଶ୍ଚିତ କରିବା ପାଇଁ ଭାରତୀୟ ରେଳବାଇ (Indian Railways) ୩୭ଟି ଟ୍ରେନ୍ ଦ୍ୱାରା ଅତିରିକ୍ତ ୧୧୪ ଟ୍ରିପ୍ କରିବାକୁ ଯୋଜନା କରିଛି । ରେଳବାଇ ୩୭ଟି ଟ୍ରେନରେ ୧୧୬ଟି ଅତିରିକ୍ତ କୋଚ୍ ବୃଦ୍ଧି କରିଛି । ଇଣ୍ଡିଗୋର ବ୍ୟାପକ ବିମାନ ବାତିଲ ହେବା ପରେ ଯାତ୍ରୀଙ୍କ ଚାହିଦା ବୃଦ୍ଧି ପାଇବା ମଧ୍ୟରେ ଏହି ପଦକ୍ଷେପ ନିଆଯାଇଛି । 📌ଦକ୍ଷିଣ ରେଳବାଇ (SR) ସର୍ବାଧିକ ୧୮ ଟି ଟ୍ରେନରେ କ୍ଷମତା ବୃଦ୍ଧି କରିଛି । ଅଧିକ ଚାହିଦା ଥିବା ରୁଟଗୁଡ଼ିକରେ ଅତିରିକ୍ତ ଚେୟାର କାର ଏବଂ ସ୍ଲିପର କ୍ଲାସ କୋଚ୍ ନିୟୋଜିତ କରାଯାଇଛି । 📌ସେଇଭଳି, ଉତ୍ତର ରେଳବାଇ (NR) ଆଠଟି ଟ୍ରେନରେ 3AC ଏବଂ ଚେୟାର କାର ଶ୍ରେଣୀର ଅତିରିକ୍ତ କୋଚ୍ ଯୋଡିଛି । 📌ପଶ୍ଚିମ ରେଳବାଇ (WR) 3AC ଏବଂ 2AC କୋଚ୍ ଯୋଡି ଚାରୋଟି ଉଚ୍ଚ-ଚାହିଦା ବିଶିଷ୍ଟ ଟ୍ରେନକୁ ବୃଦ୍ଧି କରିଛି । 📌ପୂର୍ବ କେନ୍ଦ୍ରୀୟ ରେଳବାଇ (ECR) 6-10 ଡିସେମ୍ବର ୨୦୨୫ ମଧ୍ୟରେ ପାଞ୍ଚଟି ଯାତ୍ରାରେ ଅତିରିକ୍ତ 2AC କୋଚ୍ ସହିତ ରାଜେନ୍ଦ୍ର ନଗର-ନୂଆଦିଲ୍ଲୀ (12309) ସେବାକୁ ସୁଦୃଢ଼ କରିଛି, ଯାହା ଏହି ଗୁରୁତ୍ୱପୂର୍ଣ୍ଣ ବିହାର-ଦିଲ୍ଲୀ ସେକ୍ଟରରେ ବର୍ଦ୍ଧିତ କ୍ଷମତା ପ୍ରଦାନ କରିଛି । 📌ସେଇଭଳି, ପୂର୍ବ ତଟ ରେଳବାଇ (ECOR) ପାଞ୍ଚଟି ଯାତ୍ରାରେ 2AC କୋଚ୍ ଯୋଡି ଭୁବନେଶ୍ୱର-ନୂଆଦିଲ୍ଲୀ ସେବା (ଟ୍ରେନ 20817/20811/20823) କୁ ବୃଦ୍ଧି କରିଛି । Post navigation IndiGo Flight Disruptions: ଯାତ୍ରୀ ହନ୍ତସନ୍ତ ପରେ କ୍ଷମା ମାଗିଲା ଇଣ୍ଡିଗୋ; ତଦନ୍ତ କମିଟି ଗଠନ କଲା DGCA
