ବେଙ୍ଗାଲୁରୁର ଏକ ସ୍ୱତନ୍ତ୍ର କୋର୍ଟ ଆଜି ପୂର୍ବତନ ସାଂସଦ ଏବଂ ନିଲମ୍ବିତ ଜେଡି (ଏସ୍) ନେତା ପ୍ରଜ୍ୱଳ ରେବନ୍ନାଙ୍କ ବିରୋଧରେ ରୁଜୁ ହୋଇଥିବା ଏକ ଦୁଷ୍କର୍ମ ମାମଲା ପାଇଁ ତାଙ୍କୁ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି । କୋର୍ଟ ରେବନ୍ନାଙ୍କ ଉପରେ ୧୦ ଲକ୍ଷ ଟଙ୍କା ଜରିମାନା ମଧ୍ୟ ଲଗାଇଛନ୍ତି । ତାଙ୍କ ବିରୁଦ୍ଧରେ ଦାୟର ହୋଇଥିବା ଚାରୋଟି ବଳାତ୍କାର ଏବଂ ଯୌନ ନିର୍ଯାତନା ମାମଲା ମଧ୍ୟରୁ ଏହା ପ୍ରଥମ । ତାଙ୍କ ବିରୋଧରେ ଯୈାନ ନିର୍ଯାତନା ଅଭିଯୋଗ ଆସିବା ପରେ ସେ ଫେରାର ହୋଇଯାଇଥିଲେ । ଆଉ ୩୪ ଦିନ ପରେ ସେ ବେଙ୍ଗାଲୁୁରୁ ଫେରିବା ପରେ ଗିରଫ ହୋଇଥିଲେ । ଏହି ମାମଲାରେ ରେବନ୍ନାଙ୍କ ପରିବାରର ଏକ ଫାର୍ମହାଉସରେ କାମ କରୁଥିବା ଜଣେ ମହିଳାଙ୍କୁ ପ୍ରଜ୍ୱଳ ରେବନ୍ନା ବାରମ୍ବାର ଦୁଷ୍କର୍ମ କରିଥିବା ଅଭିଯୋଗ ହୋଇଛି । କୋର୍ଟ ତାଙ୍କୁ ଆଇପିସି ଏବଂ ଆଇଟି ଆକ୍ଟ ଅନୁଯାୟୀ ଅପରାଧରେ ଦୋଷୀ ସାବ୍ୟସ୍ତ କରିଛନ୍ତି । Post navigation ବିଧାନସଭା ଘେରିବେ ୨୦ ହଜାର ମହିଳା: ଭକ୍ତ ଦାସ ସାତ ଦିନରେ ଦୃର୍ବୁତ୍ତ ଧରା ନ ପଡ଼ିଲେ ଡିଜିପି ଅଫିସ ଘେରାଉ କରିବ କଂଗ୍ରେସ: ଭକ୍ତ ଦାସ
