୬୩ ଆଦିବାସୀ ପରିବାରକୁ ନ୍ୟାୟ ଦେବାକୁ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ ଲୋଡ଼ିଲେ ପୂର୍ବତନ ବିଧାୟକ ନବୀନ ନନ୍ଦ

ଢେଙ୍କାନାଳ ଜିଲ୍ଲାର ଗନ୍ଦିଆ ବ୍ଲକର କଷ୍ଟି ପାଳ ଓ ଶ୍ରି ମନ୍ତପୁର ଗ୍ରାମର ୬୩ ଆଦିବାସୀ ପରିବାରର ଘରଡିହ ଓ ଚାଷଜମିକୁ ବେଦଖଲ କରି ଥି ବା ‘ଜଗବନ୍ଧୁ କ୍ରସର’ର କବଳରୁ ଉଦ୍ଧାର ପାଇଁ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ ଲୋଡିଛନ୍ତି ବିଧାୟକ ନବିନ ନନ୍ଦ । ରାଜ୍ୟ ସରକାରଙ୍କ ‘ବସୁନ୍ଧରା’ ଯୋଜନା ଓ ଜଙ୍ଗଲ ଅଧିକାର ଆଇନ ୨୦୦୬ ଅନୁସାରେ ଗନ୍ଦିଆ ବ୍ଳକର ନିହଲ ପ୍ରସାଦ ପଞ୍ଚାୟତର ‘କଷ୍ଟି ପାଳ’ ଓ ବେଗା ପଞ୍ଚାୟତର ଶ୍ରୀମନ୍ତପୁର ଗ୍ରାମର ୬୩ଟି ପରିବାରଙ୍କୁ ଘରଡିହ ଜମି ଓ ଚାଷ ଜମିକୁ ଗ୍ରାମର ନିକଟବର୍ତ୍ତୀ ଅଞ୍ଚଳରେ ୨୦୨୦ ମସିହାରୁ ପ୍ରତିଷ୍ଠିତ ଜଗବନ୍ଧୁ ଏଣ୍ଟର ପ୍ରାଇଜରସ ନାମକ ଏକ କ୍ରସର୍ କମ୍ପାନୀ ବିଜଦର କେତେକ ସ୍ଥାନୀୟ ନେତା ଓ ପ୍ରଶାସନକୁ ହାତବାରିସି କରି ଜୋର୍ ଜବରଦସ୍ତ ଦଖଲ କରିନେଇଛନ୍ତି ।

ଏହି ଗ୍ରାମବାସୀମାନେ ଜାଗା ଫେରସ୍ତ ପାଇବା ପାଇଁ ବର୍ଷ ଧରି ଆନ୍ଦୋଳନ କରି ଆସୁଛନ୍ତି । କିନ୍ତୁ କୌଣସି ନ୍ୟାୟ ମିଳିପାରୁ ନାହିଁ । ସେମାନେ ଆଶା କରିଥିଲେ ସରକାର ପରିବର୍ତନ ହେଲା ପରେ ତାଙ୍କର ଦୁଃଖ ଲାଘବ ହେବ କିନ୍ତୁ ସରକାର ପରିବର୍ତ୍ତନ ହେବାର ୬ ମାସ ପରେ ମଧ୍ୟ ପ୍ରଶାସନ ସେମାନଙ୍କ ଗୁହାରି ଶୁଣି ନାହିଁ ।

ଏହା ସହ ଗ୍ରାମର ୫୦ ମିଟର ଦୂରରେ ସେହି କ୍ରସର୍ କମ୍ପାନୀ ବିସ୍ଫୋରକ ଦ୍ରବ୍ୟ ବ୍ୟବହାର କରିବା ଫଳରେ ପଥର ପଡ଼ି ଘର ଦ୍ବାର କ୍ଷତି ଗ୍ରସ୍ତ ହେବା ସଂଗେ ସଂଗେ ଗ୍ରାମର ଅନେକ ଲୋକ କିଡିନ ରୋଗରେ ଆକ୍ରାନ୍ତ ହୋଇ ଜୀବନ ହରାଉଛନ୍ତି । ସାଧାରଣ ଲୋକ ମାନଙ୍କ ଗୁହାରି କେହି ଶୁଣୁ ନଥିବାରୁ ଏହି ଘଟଣାରେ ମୁଖ୍ୟ ମନ୍ତ୍ରୀଙ୍କ ହସ୍ତକ୍ଷେପ ଲୋଡିଛନ୍ତି ଗନ୍ଦିଆର ପୂର୍ବତନ ବିଧାୟକ ନବୀନ ନନ୍ଦ ।

ଗତ କିଛିଦିନ ତଳେ ସେହି ଗ୍ରାମକୁ ଏକ ସାମାଜିକ ବେଳେ ଏହି ଘଟଣାର ସରଜମିନ ତଦନ୍ତ କରି ଶ୍ରୀ ନନ୍ଦ ଦୁଃଖ ପ୍ରକାଶ କରିବା ସହ ଏହି ଘଟଣା ମୁଖ୍ୟମନ୍ତ୍ରୀଙ୍କୁ ଅବଗତ କରାଇବାକୁ ଗ୍ରାମବାସୀଙ୍କୁ ପ୍ରତିଶ୍ରୁତି ଦେଇଥିଲେ । ରାଜ୍ୟ ସରକାରର ନେତୃତ୍ବ ନେଇଥିବା ଜଣେ ଆଦିବାସୀ ମୁଖ୍ୟମନ୍ତ୍ରୀ ନିଶ୍ଚିତ ଭାବେ ଏହି ୬୩ ଜଣ ଆଦିବାସୀଙ୍କୁ ନ୍ୟାୟ ଦେବେ ବୋଲି ଶ୍ରୀ ନନ୍ଦ ଆଶା ପ୍ରକଟ କରି ବୁଧବାର ମେଲ ଯୋଗେ ମୁଖ୍ୟମନ୍ତ୍ରୀଙ୍କୁ ସମସ୍ତ ଘଟଣା ଅବଗତ କରାଇଛନ୍ତି ।