ବଢ଼ିଲା ଏସଆଇଆର ପ୍ରକ୍ରିୟା ଅବଧି। ଚଳିତ ଏସଆଇଆର ପ୍ରକ୍ରିୟା ତାରିଖ ସଂଶୋଧ ବୃଦ୍ଧି କଲେ ଭାରତୀୟ ନିର୍ବାଚନ ଆୟୋଗ । ପ୍ରକ୍ରିୟା ଅବଧି ୭ ଦିନ ବୃଦ୍ଧି ନେଇ ଇସିଆଇ ପକ୍ଷରୁ ସାନି ସୂଚନା ଜାରି କରାଯାଇଛି। ୧୨ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳରେ ଚାଲିଛି ଏସଆଇଆର ପ୍ରକ୍ରିୟା । ଯୋଗ୍ୟତା ତାରିଖ ୧ ଜାନୁଆରୀ ୨୦୨୬ ନେଇ ସୂଚନା । ସୂଚନା ଯୋଗ୍ୟ; ଭାରତୀୟ ନିର୍ବାଚନ ଆୟୋଗ ୧୨ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳରେ ଚାଲିଥିବା ଭୋଟର ତାଲିକାର ସ୍ୱତନ୍ତ୍ର ପୁନଃ ନିରୀକ୍ଷଣ ଅଭିଯାନର ସମୟ ସୀମାକୁ ୭ ଦିନ ପାଇଁ ବଢାଇ ଦେଇଛନ୍ତି । ଏବେ ଏହି ପ୍ରକ୍ରିୟା ଡିସେମ୍ବର ୧୧ ପର୍ଯ୍ୟନ୍ତ ଚାଲିବ । ଏସଆଇଆରର ଦ୍ୱିତୀୟ ପର୍ଯ୍ୟାୟରେ ଆଣ୍ଡାମାନ ଓ ନିକୋବର, ଛତିଶଗଡ, ଗୋଆ, ଗୁଜରାଟ, କେରଳ, ଲାକ୍ଷାଦ୍ୱୀପ, ମଧ୍ୟପ୍ରଦେଶ, ପୁଡୁଚେରୀ, ରାଜସ୍ଥାନ, ତାମିଲନାଡୁ, ଉତ୍ତର ପ୍ରଦେଶ ଓ ପଶ୍ଚିମବଙ୍ଗରେ ଭୋଟର ତାଲିକାର ସଂଶୋଧନ କରାଯାଉଛି । ନିର୍ବାଚନ ଆୟୋଗ ୨୦୨୫ ଡିସେମ୍ବର ୧୧ ପର୍ଯ୍ୟନ୍ତ ସମୟ ସୀମା ବଢାଇଛନ୍ତି । ପୋଲିଂ ଷ୍ଟେସନକୁ ଠିକ୍ କରିବା ଓ ପୁଣି ବ୍ୟବସ୍ଥିତ କରିବାକୁ କୁହାଯାଇଛି । କଣ୍ଟ୍ରୋଲ ଟେବୁଲ ଅପଡେଟ୍ କରିବା ଓ ଡ୍ରାଫ୍ଟ ରୋଲ୍ ପ୍ରସ୍ତୁତ କରିବାର ସମୟ ସୀମା ଡିସେମ୍ବର ୧୨ରୁ ୧୫ ପର୍ଯ୍ୟନ୍ତ ଚାଲିବ । ଡ୍ରାପ୍ଟ ଇଲେକ୍ଟୋରାଲ ରୋଲର ପବ୍ଲିକେଶନ ଡିସେମ୍ବର ୧୬ରେ କରାଯିବ । ଅଭିଯୋଗ ଓ ଆପତ୍ତି ଫାଇଲ୍ କରିବାର ସମୟ ଡିସେମ୍ବର ୧୬ରୁ ୨୦୨୬ ଜାନୁଆରୀ ୧୫ ପର୍ଯ୍ୟନ୍ତ ସ୍ଥିର କରାଯାଇଛି । ନିର୍ବାଚନ ଆୟୋଗ ଦ୍ୱାରା ଦିଆଯାଇଥିବା ମହଲତ ସହିତ ଭୋଟରଙ୍କୁ ନିଜର ତଥ୍ୟ ଯାଞ୍ଚ କରିବା ଏବଂ ଭୋଟର ତାଲିକାରେ ଜରୁରୀ ସୁଧାର କରିବା ପାଇଁ ସମୟ ମିଳି ଯାଇଛି । ଅଧିକାରୀ ଏହା ଉପରେ ଜୋର ଦେଇଛନ୍ତି ଯେ, ପ୍ରଭାବିତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର ବାସିନ୍ଦାଙ୍କୁ ଭବିଷ୍ୟତର ନିର୍ବାଚନରେ ଭୋଟ୍ ଦେବାର ଅଧିକାରରୁ ଯେମିତି ବଞ୍ଚିତ ହେବାକୁ ନ ପଡେ । Post navigation Property List Mandatory: ସମ୍ପତ୍ତି ତାଲିକା ନଦେଲେ ସରକାରୀ ବାବୁଙ୍କର ହେବ ନାହିଁ ପ୍ରମୋଶନ୍
