ସରକାରୀ ମଦ ଦୋକାନରୁ ଜବତ ହେଲା ନକଲି ମଦ

ଦିନକୁ ଦିନ ଏହି ମଦ ଦୁର୍ନୀତି ମାମଲା ବଢ଼ି ବଢ଼ି ଚାଲିଛି। ଚିକିଟି ମଦମୃତ୍ୟୁ ଭୟ ମନରୁ ଲିଭି ନଥିବା ବେଳେ ଦିନକୁ ଦିନ ରାଜ୍ୟରେ ନକଲି ମଦ ଠାବ କରାଯାଉଛି । ସେହିପରି ଆଜି ରାଜଧାନୀରେ ସରକାରୀ ଲାଇସେନ୍ସପ୍ରାପ୍ତ ମଦ ଦୋକାନରୁ ଜବତ ହୋଇଛି ନକଲି ମଦ । ମଦ ଭିତରେ ପାଣି ପୁରାଇ ବିକ୍ରି କରୁଥିଲେ ବ୍ୟବସାୟୀ ।  ବରମୁଣ୍ଡା ସ୍ଥିତ ଏକ ମଦ ଦୋକାନରୁ ବିପୁଳ ପରିମାଣରେ ନକଲି ମଦ ଜବତ ହୋଇଛି । ଖବର ପାଇ ଚଢ଼ାଉ କରିଛି ଭୁବନେଶ୍ୱର ଅବକାରୀ ଫ୍ଲାଇଙ୍ଗ ସ୍କ୍ୱାଡ଼ । ଚଢ଼ାଉ କରି ପାଖାପାଖି ୪୦ ଲକ୍ଷ ଟଙ୍କାର ମଦ ଜବତ କରିଛି ଅବକାରୀ ବିଭାଗ ।