ବିଜେପି ମିଛ କହି କ୍ଷମତାକୁ ଆସିଥିବା ନବୀନଙ୍କ ମନ୍ତବ୍ୟ; କାଉଣ୍ଟର କଲେ ଧର୍ମେନ୍ଦ୍ର

ବିଜେପି ମିଛ କହି କ୍ଷମତାକୁ ଆସିଥିବା ନବୀନଙ୍କ ମନ୍ତବ୍ୟକୁ ନେଇ ଆଜି ଟାର୍ଗେଟ କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଆଜି ଗଂଜାମ ଜିଲ୍ଲା ଭଞ୍ଜନଗରସ୍ଥିତ ସରସ୍ଵତୀ ଶିଶୁ ବିଦ୍ୟାମନ୍ଦିର, ଡିହପଢାଳର ୩୫ତମ ବାର୍ଷିକ ଉତ୍ସବ ସମାରୋହରେ ମୁଖ୍ୟଅତିଥି ଭାବେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଯୋଗଦେଇ ବିଜେଡି ପ୍ରତିଷ୍ଠା ଦିବସ ଉପଲକ୍ଷେ ବିଜେଡି ସଭାପତି ନବୀନ ପଟ୍ଟନାୟକ କହିଥିବା ରାଜ୍ୟରେ ବିଜେପି କ୍ଷମତାକୁ ନେଇ ମନ୍ତବ୍ୟକୁ ଟାର୍ଗେଟ କରି କହିଛନ୍ତି ଗତ ୨୪ ବର୍ଷରେ ନିଜ ଜନ୍ମମାଟିରେ ପାଣି ପହଞ୍ଚାଇ ପାରିନାହାନ୍ତି ନବୀନ । ଗଞ୍ଜାମ ଜିଲ୍ଲାରେ ୭ ଟି ୮ଟା ପ୍ରକଳ୍ପରୁ ୬ଟି କାମ ଅଧପନ୍ତରିଆ ହୋଇ ରହିଛି । ଗଞ୍ଜାମରେ ପାଣି ପାଇପ ଖୋଲାରେ ପଡିଛି । ପାଣି ଆସିବାର ଠିକଣା ନାହିଁ । ନଳ ଅଛି କିନ୍ତୁ ଜଳ ନାହିଁ । ଏହାକୁ କଣ କହିବା ?

ଧର୍ମେନ୍ଦ୍ର ପ୍ରଧାନ ଆଉ ମଧ୍ୟ କହିଛନ୍ତି ଗଞ୍ଜାମ ଜିଲ୍ଲାରେ ବିଜେପି ସରକାରଙ୍କ ଦ୍ଵାରା ସୁଭଦ୍ରା ଯୋଜନାରେ ୫୦୦ରୁ ଅଧିକ କୋଟି ଟଙ୍କା ମା’ ଭଉଣୀ ମାନଙ୍କ ଖାତାରେ ପହଞ୍ଚିସାରିଛି । ଆଗକୁ ଏହି ସଂଖ୍ୟା ୧୦୦୦ କୋଟି ଟଙ୍କାରେ ପହଞ୍ଚିବ । ଗଞ୍ଜାମରେ ପ୍ରାୟ ୧୦ ଲକ୍ଷ ଲାଭାର୍ଥୀ ଅଛନ୍ତି । ଏହି ଜିଲ୍ଲାରେ ରାଜ୍ୟ ସରକାରଙ୍କ ପକ୍ଷରୁ ୪୪ ଲକ୍ଷ କ୍ୱିଣ୍ଟାଲ ଧାନ କିଣବାର ଲକ୍ଷ୍ୟ ରଖାଯାଇଛି । କେବଳ ରାଜ୍ୟ ସରକାର କ୍ୱିଣ୍ଟାଲ ପିଛା ଧାନରେ ଏମଏସପି ବାବଦକୁ ୩୧୦୦ ଟଙ୍କା ବୃଦ୍ଧି କରିଛନ୍ତି । ଏହା ଦ୍ୱାରା ଗଞ୍ଜାମ ଜିଲ୍ଲାକୁ ଆହୁରି ୪୦୦ରୁ ୫୦୦ କୋଟି ଟଙ୍କା ମିଳିବ  ।