ଡିପ୍ରେସନ ଯୋଗୁଁ ସ୍ବତନ୍ତ୍ର ମେଡିକାଲ ସେଲ୍‌କୁ ଗଲେ ଗିରଫ ଧର୍ମଗଡ଼ ଉପଜିଲ୍ଲାପାଳ ଧୀମାନ୍ ଚକମା

ଜଣେ କ୍ରସର୍ ମାଲିକଙ୍କଠାରୁ ଲାଞ୍ଚ ନେଇ ଗିରଫ ହୋଇଥିବା ଆଇଏଏସ୍ ଅଧିକାରୀ ତଥା କଳାହାଣ୍ଡି ଜିଲ୍ଲା ଧର୍ମଗଡ଼ ଉପଜିଲ୍ଲାପାଳ ଧୀମାନ୍ ଚକମା ଡିପ୍ରେସନ ଯୋଗୁଁ ସ୍ବତନ୍ତ୍ର ମେଡିକାଲ ସେଲ୍‌ରେ ଅଛନ୍ତି । ଡାକ୍ତରୀ ପରୀକ୍ଷା ପରେ ଧୀମାନ ସୁସ୍ଥ ଥିବା ଜଣାପଡିଛି। ବ୍ୟବସାୟୀଙ୍କୁ ଚେତାବନୀ ଦେଇ ୨୦ ଲକ୍ଷ ଦାବି କରିଥିଲେ । ୧୦ ଲକ୍ଷ ଲାଞ୍ଚ ନେଇ ଗିରଫ ହୋଇଛନ୍ତି ଧୀମାନ ।

ଅନ୍ୟପଟେ ଲାଞ୍ଚ ନେଇ ଧର୍ମଗଡ଼ ଉପଜିଲ୍ଲାପାଳ ଧୀମାନ ଚକ୍‌ମା ଜେଲ୍‌ ଯିବା ଘଟଣାକୁ ନେଇ ପ୍ରତିକ୍ରିୟା ଦେଇଛନ୍ତି କ୍ରସର୍ ମାଲିକ ହର୍ଷ ବେହେରାଙ୍କ ଏକ୍ସକ୍ଲୁସିଭ୍ । ସେ କହିଛନ୍ତି ଏ ସଂମ୍ପର୍କରେ ଜୁନ୍ ୧ତାରିଖରେ ଭିଜିଲାନ୍ସରେ ଅଭିଯୋଗ କରିଥିଲି। ଅତ୍ୟଧିକ ଖଣିଜ ଉତ୍ତୋଳନ ପାଇଁ ଖଣି ବିଭାଗ ଲଗାଇଥିଲା ଫାଇନ୍। ଆମ୍‌ଜୋରରେ ଥିବା କ୍ରସର୍ ପାଇଁ ୧ କୋଟି ୬୦ ଲକ୍ଷର ଫାଇନ୍ ଲଗାଯାଇଥିଲା । ସେହିପରି ମହିଚଲା ପିଚୁ ୟୁନିଟ୍‌ ପାଇଁ ୧୩ ଲକ୍ଷ ୨୧ ହଜାର ଫାଇନ୍ ଲଗାଯାଇଥିଲା ।

ଏହାପରେ ଖଣି ବିଭାଗ ଫାଇନ୍ କରିବା ପରେ ଉପଜିଲ୍ଲାପାଳ ଡାକିଥିଲେ । ୨୦ ଲକ୍ଷ ଦେଲେ ଫାଇନ୍ କଟିବନି ବୋଲି କହିଥିଲେ । ମେ’ ୧୪ ତାରିଖ ସୁଦ୍ଧା ଟଙ୍କା ଦେବାକୁ କହିଥିଲେ ଚକ୍‌ମା ସାର୍‌ । ମେ’ ୨୦ରେ ଚକ୍‌ମା ସାର୍‌ଙ୍କୁ ଭେଟିବାକୁ ଯାଇଥିଲି । ଜୁନ୍ ୧ ତାରିଖରେ ଭିଜିଲାନ୍ସରେ ଅଭିଯୋଗ କରିଥିଲି ।