ମୁଖାଗ୍ନି ଦେବା ବେଳେ ଜୁଇରୁ ଉଠିଗଲେ ମୃତ ବ୍ୟକ୍ତି

ବୌଦ୍ଧ ଜିଲ୍ଲା ପୁରୁଣାକଟକ ଥାନା ଅଞ୍ଚଳରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ପୁରୁଣାକଟକର ରବି ବେହେରା ଆଜି ଘରେ ଅସୁସ୍ଥ ହୋଇପଡ଼ିଥିଲେ। ଘର ଲୋକ ତୁରନ୍ତ ତାଙ୍କୁ ପୁରୁଣାକଟକ ମେଡିକାଲ ନେଇଥିଲେ ହେଁ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ। ଡାକ୍ତର ମୃତ ଘୋଷଣା କରିବା ପରେ ପରିବାର ମୃତଦେହ ଘରକୁ ଆଣିଥିଲେ। ସଂସ୍କାର ପାଇଁ ଗ୍ରାମ ଶ୍ମଶାନରେ ଜ୍ଞାତି କୁଟୁମ୍ବ ଜୁଇ ସଜାଡ଼ି ଦେଇଥିଲେ। ହେଲେ ଜୁଇରେ ମୁଖାଗ୍ନି ଦେଲା ବେଳେ ମୃତ ଘୋଷିତ ହୋଇଥିବା ରବି ଉଠି ବସି ପଡ଼ିଥିଲେ। ତେବେ ସଂଗେ ସଂଗେ ଜୁଇରୁ ରବିଙ୍କୁ ଉଦ୍ଧାର କରାଯାଇ ବୌଦ୍ଧ ଜିଲ୍ଲା ମେଡିକାଲରେ ଭର୍ତ୍ତି କରାଯାଇଥିବା ବେଳେ ଏବେ ସେ ଚିକିତ୍ସାଧୀନ ଅଛନ୍ତି।