ରାଜଧାନୀରେ ଚିନ୍ତା ବଢ଼ାଇଛି ପିଲା ନିଖୋଜ ଘଟଣା । ୨୪ ଘଣ୍ଟା ମଧ୍ୟରେ ଭୁବନେଶ୍ୱରର ବିଭିନ୍ନ ସ୍ଥାନରୁ ତିନି ଜଣ ଶିଶୁ ନିଖୋଜ ହେବା ପରେ କମିଶନରେଟ୍ ପୋଲିସ ତଦନ୍ତ ଆରମ୍ଭ କରିଛି । ପିଲାଙ୍କ ବିଷୟରେ ଖବର ଦେଲେ ୨୫ ହଜାର ଟଙ୍କା ପୁରସ୍କାର ରାଶି ଦିଆଯିବ ବୋଲି ଘୋଷଣା କରାଯାଇଛି । ଭୁବନେଶ୍ୱରର ସାଲିଆସାହି ଅନ୍ତର୍ଗତ ଦୁଇ କିଶୋରୀ ବାଳିକା ସୁମିତ୍ରା ଦେହୁରୀ ଏବଂ ଶୁଭଶ୍ରୀ ନାୟକ ନିଖୋଜ ହୋଇଯାଇଛନ୍ତି । ସେମାନେ ଘରୁ ବାହାରି ଫେରି ନାହାନ୍ତି । ଏହାବ୍ୟତୀତ, ଧଉଳୀ ଅଞ୍ଚଳରୁ ପ୍ରଦ୍ୟୁମ୍ନ ପ୍ରଧାନ ନିଖୋଜ ହୋଇଯାଇଛନ୍ତି । ଛକ ଓ ବଜାରରେ ନିଖୋଜ ପିଲାଙ୍କ ପୋଷ୍ଟର ଲାଗିଛି । ପରିବାରର ଏତଲା ଆଧାରରେ ପୋଲିସ ପିଲାଙ୍କୁ ଉଦ୍ଧାର ପାଇଁ ପ୍ରୟାସ ଜାରି ରଖିଛି । ପିଲାଙ୍କ ବିଷୟରେ ଖବର ଦେବା ପାଇଁ କମିସନରେଟ ପୋଲିସ ନମ୍ବର ପ୍ରକାଶ କରିଛି । ସେହି ନମ୍ବର ଗୁଡିକ ହେଲା 9439646499, 8280338310, 9437123496, 9090289230, 9777928911 । ଖବର ଦେବା ବ୍ୟକ୍ତିଙ୍କ ନାମ ଗୋପନ ରଖାଯିବ ବୋଲି ପୋଲିସ କହିଛି । Post navigation Amit Shah in Odisha: କଟକରେ CISFର ୫୭ତମ ପ୍ରତିଷ୍ଠା ଉତ୍ସବରେ ସାମିଲ୍ ହେଲେ ଅମିତ ଶାହ Rajya Sabha Election: ରାଜ୍ୟସଭା ନିର୍ବାଚନରେ କାଏମ ରହିଲା ୫ ଜଣଙ୍କ ପ୍ରାର୍ଥିପତ୍ର
