ଅନାସ୍ଥାରେ ହାରିଲେ ବ୍ୟାସନଗର ପୌରାଧ୍ୟକ୍ଷା

ଅନାସ୍ଥାରେ ହାରିଲେ ବ୍ୟାସନଗର ବିଜେଡି ପୌରାଧ୍ୟକ୍ଷା। ବ୍ୟାସନଗର ପୌରାଧ୍ୟକ୍ଷା ସଙ୍ଗୀତା ପିଙ୍ଗୁଆ ହାରିଲେ । ଅନାସ୍ଥା ସପକ୍ଷରେ ୨୦ଟି ଭୋଟ୍ ପଡ଼ିଥିଲା। ଏଥିରେ ୬ ଜଣ କାଉନସିଲର ଅନୁପସ୍ଥିତ ଥିଲେ। ସେଥି ମଧ୍ୟରୁ ବିଜେଡିରୁ ୪ ଜଣ, କଂଗେସରୁ ଜଣେ ଓ ବିଜେପିରୁ ଜଣେ ଏହି ପ୍ରକ୍ରିୟାରେ ସାମିଲ ହୋଇ ନଥିଲେ। ୨୦ଜଣଙ୍କ ମଧ୍ୟରୁ ବିଜେଡିରୁ ୧୬ ଜଣ ଓ କଂଗ୍ରେସରୁ ୪ ଜଣ ଅନାସ୍ଥା ସପକ୍ଷରେ ଭୋଟ ଦେଇଛନ୍ତି। ଗତ କିଛିଦିନ ହେବ ରାଜନୈତିକ ଅସ୍ଥିରତା ଲାଗିରହିଥିବା ବେଳେ ଅନାସ୍ଥା ଭୋଟରେ ପରାଜୟ ବରଣ କରି ଗାଦି ହରାଇଲେ ସଙ୍ଗୀତା।

ପୌରାଞ୍ଚଳର ୨୬ ଜଣ କାଉନସିଲରଙ୍କ ମଧ୍ୟରୁ ୨୦ ଜଣ ପୌରାଧ୍ୟକ୍ଷାଙ୍କ ବିରୋଧରେ ଅନାସ୍ଥା ପ୍ରସ୍ତାବ ଆଣିଥିଲେ। ପୌରାଧ୍ୟକ୍ଷା ପିଙ୍ଗୁଆଙ୍କ ମନମୁଖି କାର୍ଯ୍ୟକୁ ବିରୋଧ କରି ଅନାସ୍ଥା ପ୍ରସ୍ତାବ ଜିଲାପାଳଙ୍କୁ ପ୍ରଦାନ କରିଥିଲେ କାଉନସିଲର ।