ଖଣ୍ଡଗିରି ମେଳାରେ ବେଆଇନ ପାର୍କିଙ୍ଗ ଆଦାୟ ନେଇ ବିଏମସିର ନୋଟିସ୍ । ଖଣ୍ଡଗିରି ମେଳାରେ ଦୁଇ ଚକିଆ ଏବଂ ଚାରି ଚକିଆ ଯାନ ପାଇଁ ନାଗରିକ ସଂସ୍ଥା ଦ୍ୱାରା ନିର୍ଦ୍ଧାରିତ ଦରର ଦୁଇଗୁଣ ପାର୍କିଂ ଫି ଆଦାୟ କରିବା ଅଭିଯୋଗରେ ଭୁବନେଶ୍ୱର ମ୍ୟୁନିସିପାଲ୍ କର୍ପୋରେସନ୍ (BMC) ଜଣେ ଲିଜ୍ଧାରୀଙ୍କୁ କାରଣ ଦର୍ଶାଅ ନୋଟିସ୍ ଜାରି କରିଛି। ମେଳାକୁ ଆସୁଥିବା ପରିଦର୍ଶକଙ୍କଠାରୁ ଅଧିକ ମୂଲ୍ୟ ଆଦାୟ କରାଯାଉଥିବା ଅଭିଯୋଗ ପରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ଅତ୍ୟଧିକ ପାର୍କିଙ୍ଗ ଫି ଆଦାୟ କରୁଥିବା ଲିଜ ହୋଲ୍ଡରଙ୍କୁ ସୋ କଜ ନୋଟିସ୍ ଜାରି କରାଯାଇଥିବା କହିଛନ୍ତି ମେୟର । ସେ କହିଛନ୍ତି ଯାତ୍ରୀମାନେ ଶୋଷଣର ଶିକାର ନ ହୁଅନ୍ତୁ। ଏଭଳି କାର୍ଯ୍ୟକୁ ବରଦାସ୍ତ କରାଯିବ ନାହିଁ । ଖଣ୍ଡଗିରି ମେଳାରେ ଏଭଳି ଶୋଷଣ କରୁଥିବା ଲିଜଧାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ । ସୂଚନା ଯୋଗ୍ୟ, ଭୁବନେଶ୍ବରରେ ଗତ ୨୫ ତାରିଖ ଠାରୁ ଖଣ୍ଡଗିରି ମେଳା ଆରମ୍ଭ ହୋଇଯାଇଛି। ବାଇକ୍ ପାଇଁ ବିଏମ୍ସି ୧୦ ଟଙ୍କା ଧାର୍ଯ୍ୟ କରିଛି , ସେଠାରେ ଲିଜଧାରୀ ନେଉଛନ୍ତି ୫୦ ଟଙ୍କା । ସେହିପରି କାର୍ ପିଛା ୨୦ ଟଙ୍କା ଥିବା ବେଳେ ୧୦୦ରୁ ୨ଶହ ଟଙ୍କା ନିଆଯାଉଛି। ଯାହାକୁ ନେଇ ଅଭିଯୋଗ ସାମ୍ନାକୁ ଆସିଲା। ତେବେ ଏହି ଘଟଣା ସାମ୍ନାକୁ ଆସିବା ପରେ ଏବେ ଯାତ୍ରୀଙ୍କୁ ଶୋଷଣ କରୁଥିବା ଲିଜଧାରୀଙ୍କୁ ଖୋଜି ବାହାର କରିବା ସହ ସୋ କଜ୍ ନୋଟିସ ଜାରି କରାଯାଇଛି । Post navigation Smart Meter Scam: ୪୮୮ କୋଟିର ସ୍ମାର୍ଟ ସ୍କାମ୍ !
