ପୁଣି ନିରଞ୍ଜନ ପଟ୍ଟନାୟକଙ୍କ ଘରୁ ଚୋରି ଉଦ୍ୟମ

ପୁଣି ବରିଷ୍ଠ କଂଗ୍ରେସ ନେତା ନିରଞ୍ଜନ ପଟ୍ଟନାୟକଙ୍କ ଘରୁ ଚୋରି ଉଦ୍ୟମ । ନୟାପଲ୍ଲୀ ସ୍ଥିତ ଅନ୍ୟ ଏକ ଘରକୁ ବିଳମ୍ୱିତ ରାତିରେ ପଶିବାକୁ ଉଦ୍ୟମ ହୋଇଛି । ଗତ ୨୬ରେ ନିରଞ୍ଜନଙ୍କ ନୟାପଲ୍ଲୀ ସ୍ଥିତ ଏନ୍‌-୨୯ ଘରୁ ଚୋରି ହୋଇଥିବା ବେଳେ ପୁଣି ପୁଣି ନିରଞ୍ଜନ ପଟ୍ଟନାୟକଙ୍କ ଘରେ ଚୋରି କରିବା ପାଇଁ ଉଦ୍ୟମ କରାଯାଇଛି । ଝରକା ଭାଙ୍ଗି ପଶିବା ବେଳେ କର୍ମଚାରୀ ଚୋରକୁ କାବୁ କରି ନେଇଥିଲେ। ଏହା ପରେ ଖବର ପାଇ ଘଟଣାସ୍ଥଳରେ ପହଞ୍ଚି ଅଭିଯୁକ୍ତକୁ ଗିରଫ କରିଛି ନୟାପଲ୍ଲୀ ପୋଲିସ । ଗିରଫ ଅଭିଯୁକ୍ତର ଘର ସାଲିଆ ସାହି ବୋଲି ଜଣାପଡିଛି । ସେ ଜଣେ ନିଶାସକ୍ତ ଯୁବକ ବୋଲି କହିଛି ନୂଆପଲ୍ଲୀ ପୋଲିସ ।

ସୂଚନା ଯୋଗ୍ୟ; ବରିଷ୍ଠ କଂଗ୍ରେସ ନେତା ନିରଞ୍ଜନ ପଟ୍ଟନାୟକଙ୍କ ନୟାପଲ୍ଲୀର ଆଇଆରସି ଭିଲେଜସ୍ଥିତ ଏନ/୨୫ ଘରୁ ଚୋରି ଉଦ୍ୟମ ହୋଇଛି। ଗତକାଲି ରାତିରେ ପ୍ରାୟ ୧୧ଟା ୩୫ ମିନିଟରେ ଆଉ ଏକ ଘରେ ଚୋର ପଶିଥିବା ସିସି ଟିଭିରେ କଏଦ୍ ହୋଇଛି ଭିଡିଓ । ଦୁର୍ବୃତ୍ତ ଜଣଙ୍କ ଝରକା ଖୋଲି ଘର ଭିତରକୁ ପଶିବାକୁ ଉଦ୍ୟମ କରିଥିଲା । ସେହି ସମୟରେ ଘରର କର୍ମଚାରୀ ଦେଖିବାରୁ ଦୌଡ଼ି ପଳାଇବାକୁ ଲାଗିଥିଲା । ଫେରାର୍ ଉଦ୍ୟମ ବେଳେ ଅଭିଯୁକ୍ତକୁ କାବୁ କରି ପଚରାଉଚରା କରୁଛି ପୋଲିସ ।