ବରିଷ୍ଠ ରାଜନେତା ରାଘବ ଚଢ଼ାଙ୍କୁ ଆମ ଆଦମୀ ପାର୍ଟି, ଦଳର ରାଜ୍ୟସଭା ଉପନେତା ପଦରୁ ହଟାଇ ଦେଇଛି । ଆପ, ରାଜ୍ୟସଭା ସଚିବାଳୟକୁ ଚିଠି ଲେଖି ରାଘବ ଚଢ଼ାଙ୍କୁ ରାଜ୍ୟସଭାରେ ଦଳର ଉପନେତା ପଦରୁ ବହିଷ୍କାର କରିବାକୁ ଅନୁରୋଧ କରିଛି । ଦଳ ଏହା ମଧ୍ୟ କହିଛି ଯେ ରାଘବ ଚଢ଼ାଙ୍କୁ ସଂସଦରେ ଆପର କୋଟାରୁ ଭାଷଣ ସମୟ ଦିଆଯିବା ଉଚିତ୍ ନୁହେଁ । ଦଳ ଅଶୋକ ମିତ୍ତଲଙ୍କୁ ନୂତନ ଉପନେତା ଭାବରେ ପ୍ରସ୍ତାବ ଦେଇଛି ଏବଂ ସଚିବାଳୟକୁ ଯଥାଶୀଘ୍ର ନିଯୁକ୍ତିକୁ ଆନୁଷ୍ଠାନିକ କରିବାକୁ ଅନୁରୋଧ କରିଛି । ଯଦିଓ ଆମ ଆଦମୀ ପାର୍ଟି ଏହି ନିଷ୍ପତ୍ତି ପଛର କାରଣ କହିନାହିଁ, କିନ୍ତୁ କୁହାଯାଉଛି ଦଳ ପ୍ରତି ଉଦାସୀନତା ଏବଂ ଦଳୀୟ କାର୍ଯ୍ୟକଳାପରେ ଅଂଶଗ୍ରହଣ କରୁନଥିବା ଯୋଗୁଁ ରାଘବ ଚଢ଼ାଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଇଛି । ରାଘବ ଚଢ଼ା କିଛି ସମୟ ଧରି ସଂସଦରେ ଅନେକ ସାର୍ବଜନୀନ ପ୍ରସଙ୍ଗ ଉଠାଇଛନ୍ତି । ଦୁଇ ଦିନ ପୂର୍ବରୁ ରାଘବ ଗୃହରେ ପିତୃତ୍ୱ ଛୁଟି ଦାବି କରିଥିଲେ । ରାଜ୍ୟସଭାରେ ଆପ୍ର ୧୦ ସଦସ୍ୟଙ୍କ ମଧ୍ୟରେ ରାଘବ ଚଢ଼ା ଅନ୍ୟତମ । ୩୩ ବର୍ଷ ବୟସରେ ସର୍ବକନିଷ୍ଠ ବ୍ୟକ୍ତି ଭାବେ ରାଜ୍ୟସଭା ଯାଇଛନ୍ତି ରାଘବ । Post navigation Petrochemical Product: ପେଟ୍ରୋକେମିକାଲ୍ ସାମଗ୍ରୀରେ ସମ୍ପୂର୍ଣ୍ଣ ସୀମା ଶୁଳ୍କ ଛାଡ଼ Hormuz Crisis: ହର୍ମୁଜ ବୈଠକରେ ସାମିଲ୍ ହେବ ଭାରତ
