ଦକ୍ଷିଣ କୋରିଆର ରାଷ୍ଟ୍ରପତି ତାଙ୍କର ତିନି ଦିନିଆ ଭାରତ ଗସ୍ତ ସମୟରେ ଜଣେ ଓଡ଼ିଶା ଝିଅଙ୍କ ପ୍ରେରଣାଦାୟକ ଯାତ୍ରା ଉପରେ ଆଲୋକପାତ କରିଛନ୍ତି। ନୂଆଦିଲ୍ଲୀରେ ଆୟୋଜିତ ଏକ କାର୍ଯ୍ୟକ୍ରମରେ ଦକ୍ଷିଣ କୋରିଆର ରାଷ୍ଟ୍ରପତି ଲି ଜେ-ମ୍ୟୁଙ୍ଗ ଓଡ଼ିଶାର ଶ୍ରୀୟା ଲେଙ୍କାଙ୍କ ସଫଳତାକୁ ପ୍ରଶଂସା କରିଛନ୍ତି । ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଦ୍ୱାରା ଆୟୋଜିତ ଏହି ଭୋଜି ସଭାରେ ସେ କହିଛନ୍ତି ଯେ, ଶ୍ରୀୟାଙ୍କ ସଂଘର୍ଷ ଓ ସଫଳତା ଭାରତ ଓ ଦକ୍ଷିଣ କୋରିଆ ମଧ୍ୟରେ ଥିବା ସାଂସ୍କୃତିକ ସମ୍ପର୍କର ଏକ ବଡ଼ ଉଦାହରଣ । ଓଡ଼ିଶାର ଏହି ଝିଅ କିପରି ଦକ୍ଷିଣ କୋରିଆର ଅତ୍ୟନ୍ତ କଷ୍ଟସାଧ୍ୟ ‘କେ-ପପ୍’ (K-pop) ଇଣ୍ଡଷ୍ଟ୍ରିରେ ନିଜର ସ୍ଥାନ ତିଆରି କରିପାରିଛନ୍ତି, ତାହାକୁ ସେ ବେଶ୍ ପ୍ରଶଂସା କରିଥିଲେ । ଶ୍ରୀୟା ‘ବ୍ଲାକସ୍ୱାନ’ (Blackswan) ନାମକ ବିଶ୍ୱସ୍ତରୀୟ ଗ୍ରୁପରେ ଯୋଗ ଦେଇ ଭାରତର ପ୍ରଥମ କେ-ପପ୍ ଆଇଡଲ୍ ହୋଇଛନ୍ତି । ଦୁଇ ଦେଶର ଲୋକଙ୍କ ମଧ୍ୟରେ ସମ୍ପର୍କକୁ ଅଧିକ ମଜବୁତ କରିବାରେ ଶ୍ରୀୟାଙ୍କ ଭୂମିକା ଗୁରୁତ୍ୱପୂର୍ଣ୍ଣ ବୋଲି ରାଷ୍ଟ୍ରପତି ମତ ରଖିଛନ୍ତି । ଏଭଳି ଏକ ବଡ଼ ମଞ୍ଚରେ ଶ୍ରୀୟାଙ୍କ ନାଁ ଉଠିବା ଭାରତ ପାଇଁ ଗର୍ବର ବିଷୟ । ଏହା ଦର୍ଶାଉଛି ଯେ ଭାରତୀୟ ପ୍ରତିଭା ଆଜି ସାରା ବିଶ୍ୱରେ କିପରି ନିଜର ପରିଚୟ ସୃଷ୍ଟି କରୁଛନ୍ତି । Post navigation West Bengal Election: ପଶ୍ଚିମବଙ୍ଗ ନିର୍ବାଚନକୁ ନେଇ ଜାରି ହେଲା ବାଇକ୍ କଟକଣା Odisha Steel Plant: ଓଡ଼ିଶା ଫେରିଲା ପୋସ୍କୋ; JSW ମିଳିତ ଉଦ୍ୟମରେ ହେବ ଦୁଇଟି ବଡ଼ ଇସ୍ପାତ କାରଖାନା
