ଜାପାନରେ ଭୂକମ୍ପର ଜୋରଦାର ଝଟ୍କା ଅନୁଭୂତ ହୋଇଛି । ରିକ୍ଟର ସ୍କେଲରେ ଏହାର ତୀବ୍ରତା ୭.୪ ରେକର୍ଡ କରାଯାଇଛି । ଭୂକମ୍ପର କେନ୍ଦ୍ରସ୍ଥଳ ସାନରିକୁର ସମୁଦ୍ରତଟରୁ ପ୍ରାୟ ୧୦୦ କିମି ଦୂର ପାଣି ଭିତରେ ରହିଛି । ଭୂକମ୍ପର ଗଭୀରତା ଜଳସ୍ଥରରୁ ୧୦ କିଲୋମିଟର ଭିତରେ ମପା ଯାଇଛି । ଏହି ଝଟକା ପରେ ଜାପାନରେ ଆଲର୍ଟ ଜାରି କରାଯାଇଛି । ପ୍ରଧାନମନ୍ତ୍ରୀ କାର୍ଯ୍ୟାଳୟ ପକ୍ଷରୁ ଏହି ପ୍ରାକୃତିକ ବିପର୍ଯ୍ୟୟକୁ ନେଇ ଏକ ସ୍ୱତନ୍ତ୍ର ଟିମ୍ ଗଠନ କରାଯାଇଛି । ଏହା ପୂର୍ବରୁ ଜାପାନରେ ୨୦୧୧ରେ ୯.୦ ତୀବ୍ରତାର ଭୂକମ୍ପ ଝଟକା ଅନୁଭୂତ ହୋଇଥିଲା । ଭୂକମ୍ପ ଏବଂ ସୁନାମୀ ଯୋଗୁଁ ୧୮ ହଜାରରୁ ଅଧିକ ଲୋକଙ୍କ ମୃତ୍ୟୁ ଘଟିଥିଲା । ପାଣିପାଗ ବିଭାଗ ଅନୁଯାୟୀ, ସୋମବାର ଅନୁଭୂତ ଭୂକମ୍ପର ପ୍ରଭାବରେ ସୁନାମୀ ଆସିପାରେ । ଲହଡି ଉଚ୍ଚତା ପ୍ରାୟ ୧୦ ଫୁଟ୍ ରହିପାରେ । ଭୂମିକମ୍ପ ସ୍ଥାନୀୟ ସମୟ ସନ୍ଧ୍ୟା ୪ଟା ୫୩ ମିନିଟରେ ଅନୁଭୂତ ହୋଇଥିଲା । ଉତ୍ତତ ଇଭାତେ ପ୍ରାନ୍ତର ପ୍ରଶାନ୍ତ ମହାସାଗର କ୍ଷେତ୍ରରେ ହୋଇଥିବା ଏହି ଭୂକମ୍ପର ପ୍ରଭାବ ବହୁ ଦୂର ପର୍ଯ୍ୟନ୍ତ ଅନୁଭୂତ ହୋଇଛି । ଏହାର ଝଟକା ଏତେ ତୀବ୍ର ଥିଲା ଯେ, ଶହ ଶହ କିଲୋମିଟର ଦୂର ଟୋକିଓର ବଡ ବଡ କୋଠା ଦୋହଲିବାରେ ଲାଗିଥିଲା । Post navigation CM Kisan Assistance: ଚାଷୀଙ୍କ ଆକାଉଣ୍ଟକୁ ଗଲା ସିଏମ୍ କିଷାନ ଟଙ୍କା Akshaya Tritiya 2026: ଅକ୍ଷୟ ତୃତୀୟା ତିଥିରେ ରଥ ନିର୍ମାଣ ଶୁଭାରମ୍ଭ ପାଇଁ ଆସିଲା ଆଜ୍ଞାମାଳ
