Taliban Strikes Pakistan: ପାକିସ୍ତାନ ଉପରେ ଆଫଗାନିସ୍ତାନର ଏୟାରଷ୍ଟ୍ରାଇକ; ନୁର ଖାନ ଏୟାରବେସ୍ ଛାରଖାର

ଆଫଗାନିସ୍ତାନ ଏବଂ ପାକିସ୍ତାନ ଯୁଦ୍ଧ ମଧ୍ୟ ଜାରି ରହିଛି ।ପାକିସ୍ତାନର ନୁର ଖାନ ଏୟାରବେସ୍ ଛାରଖାର। ଆଫଗାନିସ୍ତାନ ପକ୍ଷରୁ ହୋଇଛି ଏହି ଏୟାରଷ୍ଟ୍ରାଇକ। ପାକିସ୍ତାନ ସହିତ ଚାଲିଥିବା ବିବାଦ ମଧ୍ୟରେ ତାଲିବାନ ରାୱଲପିଣ୍ଡିର ନୁର ଖାନ ଏୟାରବେସକୁ ଟାର୍ଗେଟ କରିଥିବା ଦାବି କରିଛି ।

ଆଫଗାନିସ୍ତାନ ପ୍ରତିରକ୍ଷା ମନ୍ତ୍ରାଳୟ ଏକ ପ୍ରେସ୍ ବିବୃତ୍ତି ଜାରି କରି ଦାବି କରିଛି ଯେ ପାକିସ୍ତାନର ସୈନ୍ୟ ଠିକଣା ଉପରେ ଅଭିଯାନ ଆରମ୍ଭ କରିଛି । ଯେଉଁଥିରେ ରାୱଲପିଣ୍ଡିର ନୁର୍ ଖାନ୍ ଏୟାର ବେସ୍, କ୍ୱେଟାରେ ଥିବା ବେଲୁଚିସ୍ତାନର ୧୨ତମ ଡିଭିଜନର ମୁଖ୍ୟାଳୟ, ଫଖତୁନଖ୍ୱା ମହମ୍ମଦ ଏଜେନ୍ସିରେ ଥିବା ଖ୍ୱାଜଈ କ୍ୟାମ୍ପ୍ ଏବଂ ଅନ୍ୟ ଗୁରୁତ୍ୱପୂର୍ଣ୍ଣ ସେନା ଠିକଣାରେ ଆକ୍ରମଣ ହୋଇଛି । ଏହା ପାକିସ୍ତାନ ଏୟାର ଷ୍ଟ୍ରାଇକର ଜବାବ ବୋଲି ଆଫଗାନିସ୍ତାନ କହିଛି ।

ଆଉ ମଧ୍ୟ କୁହାଯାଇଛି ଏହି ଆକ୍ରମଣ ସଫଳତାର ସହିତ ଲକ୍ଷ୍ୟସ୍ଥଳକୁ ବହୁ କ୍ଷତି ପହଞ୍ଚାଇଛି। ପାକିସ୍ତାନୀ ସେନା ଦ୍ୱାରା ଗତ ରାତିରେ ଏବଂ ଆଜି ପୂର୍ବରୁ କାବୁଲ, ବାଗ୍ରାମ ଏବଂ ଅନ୍ୟାନ୍ୟ ଅନେକ ଅଞ୍ଚଳରେ ହୋଇଥିବା ସମ୍ପ୍ରତିକ ଆକାଶ ମାର୍ଗ ଆକ୍ରମଣର ଜବାବରେ ଏହି ଅପରେସନଗୁଡ଼ିକ କରାଯାଇଥିଲା। ଏହା ଉପରେ ଗୁରୁତ୍ୱାରୋପ କରାଯିବା ଉଚିତ ଯେ ଆମର ବାୟୁମଣ୍ଡଳର ଆଉ କୌଣସି ଉଲ୍ଲଂଘନ କିମ୍ବା ଶତ୍ରୁ ପାକିସ୍ତାନୀ ଉପାଦାନ ଦ୍ୱାରା ଆକ୍ରମଣାତ୍ମକ କାର୍ଯ୍ୟର ତୁରନ୍ତ, ନିର୍ଣ୍ଣାୟକ ଏବଂ ସମାନୁପାତିକ ଜବାବ ଦିଆଯିବ । ଏହା ସହ ଆଫଗାନିସ୍ତାନ ଏକ କାମିକାଜେ ଡ୍ରୋନର ଏକ ଭିଡିଓ ଏବଂ ପାକିସ୍ତାନୀ ବାୟୁ ଘାଟିର ଚିତ୍ର ମଧ୍ୟ ସେୟାର କରିଛି।

ନୁର୍ ଖାନ୍ ଏୟାରବେସ୍ ରାୱଲପିଣ୍ଡିର ସହରର ସବୁଠାରୁ ନିକଟତମ ଅଟେ । ଏହା ପାକିସ୍ତାନ ବାୟୁ ସେନାର ସବୁଠାରୁ ବଡ଼ ଏୟାର ବେସ୍ ଅଟେ । ଏଠାରେ କମାଣ୍ଡୋ ସେଣ୍ଟର୍, ଫାଇଟର୍ ଜେଟ୍ସ, ଟ୍ରାନ୍ସପୋର୍ଟ ଏବଂ ଗୋଳାବାରୁଦ ଗୋଦାମ ରହିଛି ।