ରାଜଧାନୀରେ ଡବଲ୍ ଏନକାଉଣ୍ଟର

ପୁଣି ରାଜଧାନୀରେ ଡବଲ୍ ଏନକାଉଣ୍ଟର। ବିହାରରୁ ଆସି ଭୁବନେଶ୍ୱର, ପୁରୀ, କଟକରେ ମଚାଉଥିଲେ ଆତଙ୍କ। ବଡ଼ଗଡ଼ ଥାନା ପୋଲିସ ଓ ସ୍ପେଶାଲ କ୍ରାଇମ୍ ୟୁନିଟ୍ ପକ୍ଷରୁ ଏନକାଉଣ୍ଟର ହୋଇଛି। ଉଭୟ ପକ୍ଷ ମଧ୍ୟରେ ୭ ରାଉଣ୍ଡ ଗୁଳି ବିନିମୟ ହୋଇଛି। ଏଥିରେ ବିହାର ଖୋରା ଗ୍ୟାଙ୍ଗର ୨ଜଣ ଅପରାଧୀ ସୋନୁ ଯାଦବ ଓ ମନୀଷ ଯାଦବ ଆହତ ହୋଇଛନ୍ତି। ତେଣୁ ତୁରନ୍ତ ଦୁଇ ଜଣଙ୍କୁ ଗୁରୁତର ଅବସ୍ଥାରେ କ୍ୟାପିଟାଲ ହସପିଟାଲରେ ଭର୍ତ୍ତି କରାଯାଇଛି। ସେମାନଙ୍କ ନିକଟରୁ ୨ଟି ମାଉଜର୍ ଓ କିଛି ଗୁଳି ଜବତ କରିଛି ପୋଲିସ।

ସୂଚନା ଯୋଗ୍ୟ; ଗତ ୨୦ତାରିଖ ଦିନ ରାଜଧାନୀରେ ୬ଟି ଚେନ୍ ଚୋରି କରିଥିଲେ। ତେଣୁ ସେମାନଙ୍କୁ ଧରିବାକୁ ବିଭିନ୍ନ ଯୋଜନା କରିଥିଲା ପୋଲିସ। ଆଉ ଗତକାଲି ସନ୍ଧ୍ୟାରେ ବଡ଼ଗଡ଼ ଅଞ୍ଚଳରେ ସେମାନଙ୍କୁ ଏନକାଉଣ୍ଟର କରିଛି ପୋଲିସ।