ଜବରଦଖଲକାରୀ କବଜାରେ ରହିଛି ରାଜ୍ୟର ୧୦,୯୭୧.୧୧୨ ଏକର ଗୋଚର ଜମି

ଆଜି ବିଧାନସଭା ଗୃହରେ ଜମି ଜବରଦଖଲକାରୀଙ୍କ କବଜାରେ ରହିଛି ରାଜ୍ୟର ହଜାର ହଜାର ଏକର ଗୋଚର ଜମି । ଆଜି ବିଧାନସଭା ଗୃହରେ ଏନେଇ ଲିଖିତ ଉତ୍ତର ରଖିଛନ୍ତି ରାଜସ୍ୱ ମନ୍ତ୍ରୀ ସୁରେଶ ପୂଜାରୀ । ସେ କହିଛନ୍ତି ରାଜ୍ୟର ୧୦ ହଜାର ୯୭୧.୧୧୨ ଏକର ଗୋଚର ଜମି ଜବରଦଖଲକାରୀଙ୍କ କବଜାରେ ରହିଛି ।

ରାଜ୍ୟର ମୋଟ ଗୋଚର ଜମିର ପରିମାଣ ୧୧ ଲକ୍ଷ ୨୦ ହଜାର ୭୭୯.୫୯୨ ଏକର ହୋଇଥିବା ବେଳେ ଅନୁଗୁଳରେ ସର୍ବାଧିକ ୨୯୧୪.୪୨୪ ଏକର ଗୋଚର ଜମି ଜବରଦଖଲ ହୋଇଛି । ସେହିପରି କେନ୍ଦୁଝରରେ ୧୦୨୫.୮୯୯ ଏକର , କଳାହାଣ୍ଡିରେ ୯୪୧.୭୪ ଏକର ଗୋଚର ଜମି , ନବରଙ୍ଗପୁରରେ ୯୦୧.୧୫ ଏକର ଗୋଚର ଜମି ଜବରଦଖଲ ହୋଇଛି । ସେହିପରି ମଧ୍ୟ ଗଞ୍ଜାମରେ ୪୭୩.୯୪୧ ଏକର ଗୋଚର ଜମି ଜବରଦଖଲକାରୀଙ୍କ କବଜାରେ ରହିଛି ।