ପରସ୍ପର ମଧ୍ୟରେ ମାରପିଟ; ନୟାଗଡ଼ର ୪ ପୋଲିସ କର୍ମଚାରୀ ନିଲମ୍ବିତ

ବିଶୃଙ୍ଖଳିତ ଆଚରଣ ପାଇଁ ନିଲମ୍ବିତ ହେଲେ ୪ ପୋଲିସ । କର୍ତ୍ତବ୍ୟରେ ଅବହେଳା ପାଇଁ ନିଲମ୍ବନ କଲେ ନୟାଗଡ଼ ଏସ୍‌ପି । ରାସ୍ତାରେ ଉଭୟଙ୍କ ମଧ୍ୟରେ ମାଡ଼ପିଟ ଘଟଣାରେ ନିଆଯାଇଛି କାର୍ଯ୍ୟାନୁଷ୍ଠାନ । ହାବିଲଦାର ସଙ୍ଘର ୨ ଗୋଷ୍ଠୀ ମଧ୍ୟରେ ମାଡ଼ପିଟର ଘଟଣା ସାମ୍ନାକୁ ଆସିବାପରେ ସେମାନଙ୍କୁ ନିଲମ୍ବନ କରିଛନ୍ତି ଏସ୍‌ପି । ସେମାନେ ହେଲେ ଦିଲ୍ଲୀପ ବେହେରା, ମୁନା ବେହେରା, ସଞ୍ଜୟ ମହାପାତ୍ର ଏବଂ ଦୁର୍ଗାମାଧବ ଦୋରା । ବ୍ୟକ୍ତିଗତ କାରଣ ଯୋଗୁଁ ନିଜ ଭିତରେ ମାରପିଟ ହୋଇଥିଲା । ଏ ନେଇ ଟାଉନ ଥାନାରେ ଉଭୟ ପକ୍ଷରୁ ମାମଲା ରୁଜୁ ହୋଇଥିଲା।

ସୂଚନା ଯୋଗ୍ୟ; ଗତ ଡିସେମ୍ବର ୩୧ ତାରିଖ ରାତିରେ ଜିରୋ ନାଇଟ୍ ସେଲିବ୍ରେସନ ଚାଲିଥିବାବେଳେ ନୟାଗଡ଼ ଥାନା ଅଞ୍ଚଳର ତ୍ରିନାଥ ଛକରେ ୪ ଜଣ ପୋଲିସ କର୍ମଚାରୀଙ୍କ ମଧ୍ୟରେ କୌଣସି ଏକ କାରଣକୁ ନେଇ ବଚସା ହୋଇଥିଲା ।  ଏହା ପରବର୍ତ୍ତୀ ସମୟରେ ହାତାହାତି ଯାଇଁ ଯାଇଥିଲା । ଯାହାକୁ ନେଇ ଉଭୟ ପକ୍ଷରୁ ଟାଉନ ଥାନାରେ ଅଭିଯୋଗ ହୋଇଛି । ମାତ୍ର ବିଶୃଙ୍ଖଳିତ ଆଚରଣ ପାଇଁ ୪ ଜଣ ପୋଲିସ କର୍ମଚାରୀ ଜିଲ୍ଲା ଏସପି ନିଲମ୍ବନ ଆଦେଶ ଦେଇଛନ୍ତି ।