ରାଜ୍ୟରେ ନିର୍ମାଣ ହେବ ୨୬୦୦ କିମି ଲମ୍ବ ବିଶିଷ୍ଟ ଗ୍ରାଣ୍ଡ ରିଂ ରୋଡ୍‌

ଓଡ଼ିଶାରେ ନିର୍ମାଣ ହେବାକୁ ଯାଉଛି  ୨୬୦୦ କିମି ଲମ୍ବ ବିଶିଷ୍ଟ ଗ୍ରାଣ୍ଡ ରିଂ ରୋଡ୍‌ । ଏହା ଆଗାମୀ ୩ ବର୍ଷରେ ନିର୍ମାଣ ହେବ । ଏ ନେଇ ସୂଚନା ଦେଲେ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ ।

ଗ୍ରାଣ୍ଡ ରିଂ ରୋଡ୍‌ ପାଇଁ ୯୧ ହଜାର କୋଟି ଟଙ୍କା ଖର୍ଚ୍ଚ ହେବ । ୨୪ ଘଣ୍ଟାରେ ଏହି ରାସ୍ତାକୁ ଅତିକ୍ରମ କରିହେବ ବୋଲି କହିଛନ୍ତି ପୃଥ୍ବୀରାଜ ।

ଏହି ଗ୍ରାଣ୍ଡ ରିଂ ରୋଡ଼ ମାଲକାନଗିରି ମୋଟୁରୁ ମୟୂରଭଞ୍ଜ ତିରିଂକୁ ଯୋଡ଼ିବ ।

ଏଥି ସହ କେନ୍ଦୁଝର ଓ ବଡ଼ବିଲ ଖଣି ଅଞ୍ଚଳରେ ବି ନିର୍ମାଣ ହେବ ରିଂ ରୋଡ୍ । ୨୨୦୦ କୋଟି ଟଙ୍କାରେ ନିର୍ମାଣ ହେବ । ଏହାର ରକ୍ଷଣାବେକ୍ଷଣ ପାଇଁ ବ୍ଲୁପ୍ରିଣ୍ଟ ପ୍ରସ୍ତୁତ ହୋଇଛି ବୋଲି ପୃଥ୍ବୀରାଜ ହରିଚନ୍ଦନ କହିଛନ୍ତି ।