ଭିତରକନିକା ଜଙ୍ଗଲରେ ମାଆପୁଅ ନିଖୋଜ; ୫ ଦିନ ହେବ ମିଳୁନି ପତା 

ଭିତରକନିକା ଜଙ୍ଗଲ ଭିତରେ ମାଆପୁଅ ନିଖୋଜ। ନଦୀକୁ ବୁଧବାର କଙ୍କଡ଼ା ଧରିବାକୁ ଯାଇ ମାଆ ଓ ୧୮ ବର୍ଷୀୟ ପୁଅ ନିଖୋଜ ଥିବା ଅଭିଯୋଗ ହୋଇଛି। ଭଉଣୀ ଓ ପୁତୁରା ସହ ଉଭୟ ଯାଇଥିବା ବେଳେ ୫ ଦିନ ହେଲାଣି ପତ୍ତା ମିଳୁନଥିବା ଜଣାପଡ଼ିଛି । ଖବର ପାଇ ଘଟଣାସ୍ଥଳରେ ଖୋଜା ଖୋଜି ଜାରି ରଖିଛନ୍ତି ବନ ବିଭାଗର ୧୦ଟି ଟିମ୍। ମାଆ ପୁଅଙ୍କୁ ଖୋଜିବ ତାଳଚୁଆ ସାମୁଦ୍ରିକ ଥାନାର ଡ୍ରୋନ କ୍ୟାମେରା ମଧ୍ୟ ବ୍ୟବହାର କରାଯାଇଛି।

ସୂଚନା ଯୋଗ୍ୟ, ୫ ଦିନ ତଳେ ଭିତରକନିକା ନଦୀକୁ କଙ୍କଡା ଧରିବାକୁ ଭଉଣୀ ଓ ପୁତୁରା ସହ ଯାଇଥିଲେ ଦେବେନ୍ଦ୍ର ନାରାୟଣପୁର ଗାଁର ଅଞ୍ଜନା ମିର୍ଦ୍ଧା ଓ ପୁଅ ରତିନ୍ଦ୍ର ମିର୍ଦ୍ଧା। ଭିତରକନିକା ଜଙ୍ଗଲର ୧୦ କିଲୋମିଟର ଭିତରକୁ ଯାଇ ମାଆପୁଅ ଆଉ ଫେରିନଥିଲେ। ସନ୍ଧ୍ୟା ପର୍ଯ୍ୟନ୍ତ ଉଭାୟଙ୍କୁ ନ ପାଇବାରୁ ପରିବାର ଲୋକେ ଖୋଜାଖୋଜି କରିଥିଲେ ହେଲେ କୌଣସି ଖବର ତାଙ୍କର ପାଇନଥିଲେ। ଏହା ପରେ ପରିବାର ଲୋକ ବନ ବିଭାଗକୁ ଖବର ଦେଇଥିଲେ।