ଭାରତ ଫେରିଲେ ଭିନେଶ୍ ଫୋଗଟ୍: ବିମାନବନ୍ଦରରେ ସ୍ୱାଗତ ଦେଖି ହେଲେ ଭାବବିହ୍ଵଳ

ପ୍ୟାରିସ୍ ଅଲିମ୍ପିକ୍ସ ସରିବା ପରେ ଭାରତୀୟ କୁସ୍ତି ଯୋଦ୍ଧା ବିନେଶ ଫୋଗଟ ଆଜି ଭାରତକୁ ଫେରିଛନ୍ତି। ସେ ଦିଲ୍ଲୀ ଅନ୍ତଜାର୍ତୀୟ ବିମାନବନ୍ଦରରେ ତାଙ୍କୁ ସ୍ବାଗତ କରିବା ପାଇଁ ପ୍ରଶଂସକମାନେ ବହୁ ସଂଖ୍ୟାରେ ଆସିଥିଲେ। ସେ ବିମାନବନ୍ଦରରେ ପହଞ୍ଚିବା ପରେ ତାଙ୍କୁ କରାଯାଇଥିବା ଭବ୍ୟ ସ୍ବାଗତ ଏବଂ ଲୋକଙ୍କ ତାଙ୍କ ପ୍ରତିଥିବା ଭଲ ପାଇବା ଦେଖି ଭାବପ୍ରବଣ ହୋଇ ପଡ଼ିଛନ୍ତି ବିନେଶ୍ ।

ସୂଚନା ମୁତାବକ; ବିନେଶ ଦିଲ୍ଲୀରେ ପହଞ୍ଚିବା ପୂର୍ବରୁ ତାଙ୍କ ପ୍ରଶଂସକ, ବନ୍ଧୁ ଏବଂ ପରିବାର ଲୋକେ ଦିଲ୍ଲୀ ଅନ୍ତର୍ଜାତୀୟ ବିମାନବନ୍ଦର ବାହାରେ ବହୁ ସଂଖ୍ୟାରେ ଏକାଠି ହୋଇଥିଲେ। ତାଙ୍କୁ ପୂର୍ବତନ ରେସ୍‌ଲସ ସାକ୍ଷୀ ମଲିକ୍ ଏବଂ ବଜରଙ୍ଗ ପୁନିଆ ମଧ୍ୟ ବିମାନବନ୍ଦରରେ ସ୍ବାଗତ କରିଥିଲେ। ଏକ ଭାବପ୍ରବଣ ମୁହୂର୍ତ୍ତରେ ଉଭୟ ଭିନେଶ ଏବଂ ସାଖୀ ମଲିକ ବିମାନବନ୍ଦର ବାହାରେ ଆଲିଙ୍ଗନ କରିବା ସମୟରେ କାନ୍ଦିବାକୁ ଲାଗିଲେ ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।

ଭାଇରାଲ ଭିଡିଓରେ ଦେଖାଯାଇଛି ଯେଉଁଥିରେ ଭିନେଶ ଏକ ଖୋଲା କାରରେ ଅଛନ୍ତି, ଯେଉଁଠାରେ ସେ ଲୁହ ପୋଛିଥିବାର ନଜର ଆସିଛନ୍ତି। ସାକ୍ଷୀ ଏବଂ ବଜରଙ୍ଗ ମଧ୍ୟ ଭିନେଶଙ୍କୁ ସମର୍ଥନ କରିବା ପାଇଁ ସେଠାରେ ଠିଆ ହୋଇଥିଲେ। ଫେରିବା ପରେ ଭିନେଶ କହିଛନ୍ତି, ସମଗ୍ର ଦେଶବାସୀଙ୍କୁ ଅନେକ ଧନ୍ୟବାଦ। ମୁଁ ବହୁତ ଭାଗ୍ୟବାନ।