ସୁନାମଧନ୍ୟ କଣ୍ଠଶିଳ୍ପୀ ଗୀତା ପଟ୍ଟନାୟକଙ୍କର ପରଲୋକ। କଟକର ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ପରଲୋକ ଘଟିଛି। ବ୍ରେନଷ୍ଟ୍ରୋକ ଯୋଗୁଁ ଗୁରୁତର ଅବସ୍ଥାରେ ହସ୍ପିଟାଲରେ ଥିଲେ ଚିକିତ୍ସାଧିନ। ଆଜି ସନ୍ଧ୍ୟା ୬.୧୮ ମିନିଟରେ ତାଙ୍କର ଦେହାନ୍ତ ହୋଇଥିବା ପରିବାର ଲୋକଙ୍କ ସୂତ୍ରରୁ ଜଣାପଡ଼ିଛି । ତାଙ୍କର ବିୟୋଗ ଓଡ଼ିଆ କଳା ଓ ସଙ୍ଗୀତ ଦୁନିଆ ପାଇଁ ଏକ ଅପୂରଣୀୟ କ୍ଷତି। ସୂଚନା ଯୋଗ୍ୟ; ଗୁରୁବାର ଭୁବନେଶ୍ୱରରେ ଏକ ସାହିତ୍ୟିକ କାର୍ଯ୍ୟକ୍ରମରେ ଅତିଥି ଭାବରେ ଯୋଗଦେବା ସମୟରେ ପଟ୍ଟନାୟକ ଅସୁସ୍ଥ ହୋଇପଡ଼ିଥିଲେ ଏବଂ ତାଙ୍କୁ ତୁରନ୍ତ କ୍ୟାପିଟାଲ ହସ୍ପିଟାଲକୁ ପଠାଯାଇଥିଲା। ଡାକ୍ତରୀ ପରୀକ୍ଷାରୁ ଜଣାପଡ଼ିଛି ଯେ ଗାୟିକାଙ୍କ ମସ୍ତିଷ୍କ ଷ୍ଟ୍ରୋକ ହୋଇଥିଲା। ଏହା ପରେ, ତାଙ୍କୁ ରାଜ୍ୟ ପ୍ରତିଷ୍ଠାନର ଇଣ୍ଟେନସିଭ୍ କେୟାର ୟୁନିଟ୍ (ICU)ରେ ଭର୍ତ୍ତି କରାଯାଇଥିଲା ଏବଂ ପରେ କଟକ ସ୍ଥାନାନ୍ତର କରାଯାଇଥିଲା। “ଏକ ମିଡିଆ କାର୍ଯ୍ୟାଳୟରେ ଏକ କାର୍ଯ୍ୟକ୍ରମରେ ଯୋଗଦେବା ସମୟରେ ତାଙ୍କ ରକ୍ତଚାପ ବୃଦ୍ଧି ପାଇଥିଲା। ଡାକ୍ତରମାନେ କହୁଛନ୍ତି ଯେ ତାଙ୍କର ମସ୍ତିଷ୍କ ରକ୍ତସ୍ରାବ ହୋଇଛି ଏବଂ ଏହା ବହୁତ ଗୁରୁତର। କିନ୍ତୁ ସେ ମୃତ ନୁହଁନ୍ତି। ସେ ସୁସ୍ଥ ଅଛନ୍ତି ଯଦିଓ ସୁସ୍ଥ ହେବା ଏବଂ ଚିକିତ୍ସା ପାଇଁ କିଛି ସମୟ ଲାଗିବ,” ତାଙ୍କ ସ୍ୱାମୀ ଗୋପାଳ ବାତ୍ରା ତାଙ୍କ ମୃତ୍ୟୁର ଗୁଜବକୁ ଖଣ୍ଡନ କରି କହିଛନ୍ତି। ତାଙ୍କ ହସ୍ପିଟାଲରେ ଭର୍ତ୍ତି ହେବା ଖବର ତାଙ୍କ ପ୍ରଶଂସକ ଏବଂ ସାଥୀ କଳାକାରମାନଙ୍କ ମଧ୍ୟରେ ବ୍ୟାପକ ଚିନ୍ତା ସୃଷ୍ଟି କରିଥିଲା ଏବଂ ସୋସିଆଲ ମିଡିଆ ପ୍ଲାଟଫର୍ମରେ ତାଙ୍କର ଶୀଘ୍ର ଆରୋଗ୍ୟ କାମନା କରିଥିଲେ। ଗୀତା ପଟ୍ଟନାୟକ ଓଡ଼ିଆ ଚଳଚ୍ଚିତ୍ର ଦୁନିଆରେ ସୁପରହିଟ୍ ଗୀତ ଗାଇଛନ୍ତି । ଯାଜାବର ଚଳଚ୍ଚିତ୍ର ଫୁର୍ କିନା ଉଡ଼ିଗଲା ବଣି ବହୁତ ଲୋକ ପ୍ରିୟତା ହାସଲ କରିଥିଲା । ସେହିପରି ଦନେଇ ଦାସ କହରେ ଭାଇ (ଯାଜାବର), ଏମିତି ପୁଅକୁ ମୁଁ ବାହା ହୁଅନ୍ତି (ଆହା ମୋର ସୁନା ଗୋରି), କେତେବେଳେ କଣ୍ଟା ତୁମେ (ଅକ୍ଷୟ ତୃତୀୟା), ଆରେ ବାବୁ ଶ୍ୟାମଘନ ଇତ୍ୟାଦି ସୁପରହିଟ୍ ଗୀତରେ କଣ୍ଠଦାନ କରିଛନ୍ତି । Post navigation Biju Mahila Janata Dal: ବିଜୁ ମହିଳା ଜନତା ଦଳ ରାଜ୍ୟ କମିଟି ପଦାଧିକାରୀଙ୍କ ନାମ ଘୋଷଣା
