ଡୋନାଲ୍ଡ ଟ୍ରମ୍ପ ଓ ଚୀନ୍ ରାଷ୍ଟ୍ରପତି ଜିନପିଙ୍ଗଙ୍କ ମଧ୍ୟରେ ଆଲୋଚନା । ୬ ବର୍ଷ ପରେ ଦକ୍ଷିଣ କୋରିଆ ବୁସାନରେ ଟ୍ରମ୍ପ-ଜିନ୍ପିଙ୍ଗ୍ ମଧ୍ୟରେ ଆଲୋଚନା ହୋଇଛି । ଟାରିଫ୍ ଲଢ଼େଇ ମଧ୍ୟରେ ପରସ୍ପରକୁ ଭେଟିଲେ ଉଭୟ ନେତା। ଦୁଇ ନେତାଙ୍କ ଆଭିମୁଖ୍ୟ ଉପରେ ଭାରତ ସମେତ ସାରା ବିଶ୍ବର ନଜର ରହିଛି । ସାକ୍ଷାତ ସମୟରେ ଟ୍ରମ୍ପ୍ କହିଛନ୍ତି, ମୋର ଜଣେ ଦୀର୍ଘକାଳୀନ ବନ୍ଧୁ, ଚୀନ୍ର ଅତ୍ୟନ୍ତ ସମ୍ମାନିତ ଏବଂ ସମ୍ମାନିତ ରାଷ୍ଟ୍ରପତିଙ୍କ ସହ ରହିବା ଏକ ବଡ଼ ସମ୍ମାନର କଥା। ଆମେ ପୂର୍ବରୁ ଅନେକ ବିଷୟରେ ସହମତ ହୋଇଛୁ ଏବଂ ଆମେ ଆହୁରି କିଛି ବିଷୟରେ ସହମତ ହେବୁ। ରାଷ୍ଟ୍ରପତି ସି ଜିନପିଙ୍ଗ ଏକ ମହାନ ଦେଶର ଜଣେ ମହାନ ନେତା ଏବଂ ମୁଁ ଭାବୁଛି ଆମର ଦୀର୍ଘ ସମୟ ପାଇଁ ଏକ ମହାନ ସମ୍ପର୍କ ରହିବ ଏବଂ ଆପଣଙ୍କୁ ଆମ ସହିତ ରଖିବା ଏକ ସମ୍ମାନର କଥା। ଦକ୍ଷିଣ କୋରିଆର ବୁସାନରେ ଚୀନ୍ ରାଷ୍ଟ୍ରପତି ସି ଜିନପିଙ୍ଗଙ୍କ ସହ ସାକ୍ଷାତ ସମୟରେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ କହିଥିଲେ, ଆମର ସାକ୍ଷାତ ବହୁତ ସଫଳ ହେବାକୁ ଯାଉଛି। ସେ ଜଣେ ବହୁତ କଠିନ ଆଲୋଚନାକାରୀ, ଯାହା ଏକ ଭଲ କଥା ନୁହେଁ। ଆମେ ପରସ୍ପରକୁ ବହୁତ ଭଲ ଭାବରେ ଜାଣୁ। ଆମର ସର୍ବଦା ଏକ ବହୁତ ଭଲ ସମ୍ପର୍କ ରହିଛି। ଅନ୍ୟପଟେ ଚୀନ୍ ରାଷ୍ଟ୍ରପତି ଜିନପିଙ୍ଗଙ୍କ ସହ ସାକ୍ଷାତ ପୂର୍ବରୁ ଟ୍ରମ୍ପ ନେଇଛନ୍ତି ବଡ଼ ପଦକ୍ଷେପ । ପରମାଣୁ ଅସ୍ତ୍ରଶସ୍ତ୍ର ପରୀକ୍ଷଣ ପାଇଁ ପେଣ୍ଟାଗନ୍ କୁ ନିର୍ଦ୍ଦେଶ ଦେଇଛନ୍ତି ଟ୍ରମ୍ପ । ସେ କହିଛନ୍ତି ଅନ୍ୟ ଦେଶ ତୁଳନାରେ ଆମେରିକା ପାଖରେ ଅଧିକ ପରମାଣୁ ଅସ୍ତ୍ରଶସ୍ତ୍ର ଅଛି। ରୁଷିଆ ଦ୍ୱିତୀୟ ସ୍ଥାନରେ ଅଛି, ଏବଂ ଚୀନ ତୃତୀୟ ସ୍ଥାନରେ ଅଛି । ପ୍ରଚଣ୍ଡ ବିନାଶକାରୀ ଶକ୍ତି ଯୋଗୁଁ ମୁଁ ପରୀକ୍ଷଣ କରିବାକୁ ଚାହୁଁ ନଥିଲି । ଅନ୍ୟ ଦେଶର ପରୀକ୍ଷଣ କାର୍ଯ୍ୟକ୍ରମ ଯୋଗୁଁ ମୋ ପାଖରେ କୌଣସି ବିକଳ୍ପ ନାହିଁ । ତେଣୁ ପରମାଣୁ ଅସ୍ତ୍ରଶସ୍ତ୍ର ପରୀକ୍ଷଣ ଆରମ୍ଭ କରିବାକୁ ଯୁଦ୍ଧ ବିଭାଗକୁ ନିର୍ଦ୍ଦେଶ ଦେଇଛି। Post navigation Nuapada By-Election: ନୂଆପଡ଼ାରେ ବିଜେପିର କୁମ୍ଭାର ସମାବେଶ Lingaraja Temple Rituals: ପ୍ରାୟ ୨୪ ଘଣ୍ଟା ପରେ ସ୍ବାଭାବିକ ହେଲା ପ୍ରଭୁ ଲିଙ୍ଗରାଜଙ୍କ ନୀତିକାନ୍ତି
