ମୁଖ୍ୟମନ୍ତ୍ରୀଙ୍କ ଯୁଗ୍ମ ସଚିବ ଭାବରେ ନିଯୁକ୍ତ ହେଲେ ଓଏଏସ ଆଲୋକ ପ୍ରଧାନ

ମୁଖ୍ୟମନ୍ତ୍ରୀଙ୍କ ଯୁଗ୍ମ ସଚିବ ଭାବରେ ନିଯୁକ୍ତ ହେଲେ ଓଏଏସ ଆଲୋକ ପ୍ରଧାନ। ନୂଆ ନିଯୁକ୍ତି ନେଇ ସାଧାରଣ ପ୍ରଶାସନ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ବର୍ତ୍ତମାନ କେନ୍ଦୁଝରର ଅତିରିକ୍ତ ଜିଲ୍ଲା ମାଜିଷ୍ଟ୍ରେଟ (ଏଡିଏମ୍) ଭାବରେ କାର୍ଯ୍ୟ କରୁଥିଲେ ଓଏଏସ ଅଫିସର ଆଲୋକ ପ୍ରଧାନ।

ସେହିପରି ଅନ୍ୟ ଓଏଏସ ଅଧିକାରୀ ପଦ୍ମ ଚରଣ ସାହୁଙ୍କୁ ମଧ୍ୟ କ୍ରୀଡା ଏବଂ ଯୁବ ସେବା ବିଭାଗର ଉପସଚିବ ଭାବରେ ନିଯୁକ୍ତି ଦିଆଯାଇଛି। ପୂର୍ବରୁ ତାଙ୍କୁ ଖୋର୍ଦ୍ଧାର ସବ-କଲେକ୍ଟର ଭାବରେ ବଦଳି କରାଯାଇଥିଲା। ନୟାଗଡ ବିଡିଓ ଭାବରେ କାର୍ଯ୍ୟ କରୁଥିବା ସମୟରେ ଖୋର୍ଦ୍ଧାର ସବ-କଲେକ୍ଟର ଭାବରେ ତାଙ୍କର ନିଯୁକ୍ତିକୁ ବାତିଲ କରାଯାଇଥିବା ସୂଚନା ମିଳିଛି।

ଏହା ସହ କେନ୍ଦୁଝର ଆନନ୍ଦପୁରର ଅତିରିକ୍ତ ଉପ ଜିଲ୍ଲାପାଳ କିଶୋର କୁମାର ପଣ୍ଡାଙ୍କୁ ଖୋର୍ଦ୍ଧା ଉପ ଜିଲ୍ଲାପାଳ  ଭାବରେ ଦାୟିତ୍ବ ଦିଆଯାଇଛି।ଏହା ସହିତ ତାଙ୍କୁ ପୁରୀ ଶ୍ରୀ ଜଗନ୍ନାଥ ମନ୍ଦିର ପ୍ରଶାସନର ଉପ ପ୍ରଶାସକ(ରାଜସ୍ବ) ଭାବରେ ନିଯୁକ୍ତ କରାଯାଇଛି।